Umugore yabyariye mu ndege yavaga Casablanca yerekeza i New York

Yanditswe na IGIHE
Kuya 1 Ugushyingo 2019 saa 06:10
Yasuwe :
0 0

Umugenzi yabyariye umwana w’umukobwa mu ndege ya Royal Air Maroc (RAM), yavaga Casablanca yerekeza New York mu rugendo AT200, rwo kuwa 30 Ukwakira 2019.

Uyu mugore yatangiye kumva ibimenyetso iminota mike indege ihagurutse saa 16:45 ku isaha ya Maroc, aza kubyara umwana w’umukobwa nyuma y’isaha.

Itangazo rya RAM rivuga ko ‘umugore yabyaye 17:20 neza afashijwe n’umuyobozi n’abo bakoranaga urugendo muri iyo ndege’.

Nk’uko amabwiriza abiteganya, utwaye indege yahise ayisubije inyuma igaruka Casablanca. Ubwo yageraga ku kibuga mpuzamahanga cy’indege cya Casablanca cyitiriwe Mohammed V, serivisi z’ubutabazi zahise zakira umwana na nyina zijya kubaha ubufasha bw’abaganga nubwo bari bameze neza.

Itangazo rya RAM ryongerago ko abakozi bo mu ndege zayo basanzwe barahawe amahugurwa muri tekiniki zitandukanye zo gutanga ubufasha mu buvuzi harimo no kubyaza.

Umugore yabyariye mu ndege yavaga Casablanca yerekeza New York

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza