Amwe mu mashuri yubikiwe imbehe kubera kutagira abarimu

Yanditswe na

Olivier Rubibi

Kuya 5 Mutarama 2013 saa 08:35
Yasuwe :
0 0

Ikigega gitera inkunga abacitse ku icumu rya Jenoside batishoboye FARG, cyahagaritse amasezerano yo kwakira abana cyishyurira amafaranga y’ishuri ku bigo bitatu by’amashuri bya Muhazi College cyo mu karere ka Rwamagana, ESECOM Musange cyo mu karere ka Nyamagabe na APERWA cyo mu karere ka Gasabo.
Ibi bigo FARG yahagaritse amasezerano yari ifitanye na byo kubera kutagira abarimu bahagije, FARG ikaba yakemangaga ubumenyi buhabwa abana babyigamo.
Umuyobozi wa FARG RuberangeyoTheophile, (...)

Ikigega gitera inkunga abacitse ku icumu rya Jenoside batishoboye FARG, cyahagaritse amasezerano yo kwakira abana cyishyurira amafaranga y’ishuri ku bigo bitatu by’amashuri bya Muhazi College cyo mu karere ka Rwamagana, ESECOM Musange cyo mu karere ka Nyamagabe na APERWA cyo mu karere ka Gasabo.

Ibi bigo FARG yahagaritse amasezerano yari ifitanye na byo kubera kutagira abarimu bahagije, FARG ikaba yakemangaga ubumenyi buhabwa abana babyigamo.

Umuyobozi wa FARG RuberangeyoTheophile, avuga ko icy’ibanze bagendeyeho bahagarika amasezerano n’ibi bigo ari ireme ry’uburezi bitanga.

Ruberangeyo ati “Twamaze kubona ko uburezi ibi bigo uko ari bitatu byahaga abana budahagije, dufata umwanzuro wo kutongera gukorana amasezerano na byo. Bimwe mu byo aya mashuri adafite ni abarimu n’ibikoresho bifasha umwana kugira ubumenyi buhagije ku byo yiga bidahagije.”

Abana 104 bigaga ku ishuri ryigenga rya Muhazi College bashakiwe amashuri ahandi, 416 ba APERWA na bo bashakirwa andi mashuri kimwe na 46 bigaga mu ishuri rya ESECOM Musange.

Twabajije Ruberangeyo niba aba bana bimurwa bajya gusibira aho bagiye kwiga kugira ngo bafate abandi, asubiza ko bafashwa kwiga ibyo abandi bize badahari ariko ntibasibire.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .