Didier Drogba yageze i Kigali

Yanditswe na Rabbi Malo Umucunguzi
Kuya 9 Ukwakira 2019 saa 09:38
Yasuwe :
0 0

Umunya-Côte d’Ivoire Didier Yves Drogba Tébily yageze i Kigali yitabiriye inama YouthConnekt, irimo kubera muri Kigali Arena kuva ku wa -11 Ukwakira 2019.

Drogba yitabiriye iyi nama ihurije hamwe urubyiruko rusaga ibihumbi 10, mu nshingano arimo nka ambasaderi w’Ishami ry’Umuryango w’Abibumbye ryita ku iterambere, UNDP, mu bikorwa bitandukanye.

Ubwo yageraga mu Rwanda, Drogba yakiriwe n’Umuyobozi w’Ishami ry’Umuryango w’Abibumbye ryita ku bagore, mu Rwanda (UN Women-Rwanda), Fatou Lo, mbere y’uko yitabira YouthConnekt kuri uyu wa Kane.

YouthConnekt Africa Summit 2019 yitabiriwe n’abiganjemo urubyiruko basaga ibihumbi 10 baturutse mu bihugu 91 byo muri Afurika no hanze yayo nka Khazaksan, Mexique n’ahandi.

Uretse uru rubyiruko, iyi nama yitabiriwe na ba baminisitiri barenga 20 b’urubyiruko bo mu bihugu bitandukanye bya Afurika, ba rwiyemezamirimo, abahagarariye imiryango mpuzamahanga n’abandi, bose baje kuganira ku iterambere ry’urubyiruko mu bijyanye n’inganda.

Drogba w’imyaka 41 yabaye kapiteni wa Côte d’Ivoire ndetse yayitsindiye ibitego byinshi kurusha abandi bakinnyi, by’umwihariko aba umunyabigwi mu ikipe ya Chelsea mu Bwongereza kubera ibyo yayifashije kugeraho mu myaka icyenda yayikiniye.

Drogba kandi yabaye umukinnyi w’umwaka muri Afurika inshuro ebyiri zitandukanye, hagati ya 2006 na 2009.

Inama ya YouthConnekt ihuriza hamwe urubyiruko ruturutse mu bihugu bitandukanye muri Afurika, hakaganirwa ku nsanganyamatsiko zinyuranye.

Muri izi nama hifashishwa abantu batandukanye bafite aho bageze bakaganira n’urubyiruko. Inama nk’iyi yabaye muri Nyakanga 2017 yitabiriwe n’umuhanzi Akon n’umunyemali ukomeye w’umushinwa, Jack Ma.

Uretse Drogba uri mu Rwanda, undi utegerejwe mu Rwanda ni myugariro wa Arsenal na we wakiniye Chelsea FC, David Luiz, uzaba ari mu bikorwa by’ubukerarugendo kuri uyu wa Kane, aherekejwe na nyina n’umukunzi we.

Drogba yakiriwe n'abarimo Umuyobozi wa UN-Women mu Rwanda, Fatou Lo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza