Ibigo byahize ibindi mu gutanga serivisi nziza byahawe ibihembo (Amafoto)

Yanditswe na Uwiduhaye Theos
Kuya 6 Ukwakira 2019 saa 02:46
Yasuwe :
0 0

Ibigo bya leta, ibyigenga n’iby’abikorera byahize ibindi mu mitangire ya serivisi nziza byashyikirijwe ibihembo bizwi nka ‘Service Excellence Awards’ mu birori byabereye muri Onomo Hotel.

Iki gikorwa cyabaye ku mugoroba wo ku wa Gatandatu, tariki 6 Ukwakira 2019, cyitabiriwe n’abayobozi b’ibigo bitandukanye bose babukereye biteguye kumenya uwegukana igihembo.

‘Service Excellence Awards’ ni ibihembo bitegurwa kandi bigatangwa na Kalisimbi Events iyoborwa na Mugisha Emmanuel.

Mu gikorwa cyo guhemba abitwaye neza, habanje gushimirwa ababaye indashyikirwa mu buryo bwihariye bahabwa igihembo cyiswe ‘Special recognition’.

Ibigo byahawe iki gihembo barimo Ikigo gishinzwe gutunganya no gukora iremashusho, kwamamaza no gusohora inyandiko ku mpapuro (Designing, Advertising & Printing), Selector Kalaos; Sosiyete itanga serivisi za internet yihuta ya 4G, Mango Telecom; Ivuriro Polyfam, Kaminuza ya Kigali n’Ikigo gitwara ba mukerugendo cya Nziza Safari.

Mugisha Emmanuel watangije iki gikorwa yavuze ko kugeza uyu munsi yishimira urwego kimaze kugeraho.

Ati “Kuva twatangira gutanga ibi bihembo twahuye n’ibirushya byinshi ariko ubu tugeze ahantu ho kwishimira. Dutangira gutanga ibi bihembo byari bito ariko ubu bimaze kwaguka.”

Yavuze ko kuba yarateguye ibi bihembo byaturutse ku kuba ashaka gushishikariza abantu gutanga serivisi nziza, kuko ngo na we iyo agiye ahantu bakamuha itamunogeye bimubabaza cyane.

Igikorwa cyo gutanga ibihembo bya ‘Service Excellence Awards’ cyabaga ku nshuro ya gatatu, mu myaka kimaze benshi bishimira ko gitera imbaraga benshi zo guhanga udushya no kugira umwimerere mu mitangire ya serivisi.

Ibyiciro byahembwe:

-  Umuryango utegamiye kuri leta ukora ibikorwa byo gufasha: Nufashwa Yafasha

Umuryango udaharanira inyungu wa Nufashwa Yafasha washinzwe n'umunyamakuru Gutterman Gutter wahembwe nk'ukora ibikorwa by'ubugiraneza wahize iyindi

-  Ikigo gitanga serivisi z’imari cyahize ibindi: Soras

-  Urubuga rwo kwamamarizaho ruhiga izindi: Mall of Africa

-  Ikigo cyahize ibindi mu gufasha mu ngendo (Best travel agency): Satguru

-  Restaurant/ coffee shop y’umwaka: Camellia

-  Ikigo cy’Itumanaho: Airtel-Tigo

-  Ikigo gifasha mu kohereza ubutumwa n’imizigo: DHL

-  Ishuri rikuru ryahize andi: aminuza y’Amahoteli, Ubukerarugendo, Ikoranabuhanga n’Ubucuruzi (UTB)

-  Ikiganiro cyiza kurusha ibindi: True Services/ Isango Star

-  Ikigo gitwara ba mukerarugendo: Nziza safaris

-  Televiziyo yahize izindi: Isango Star

-  Ikigo kiranguza cyahize ibindi: Magasin Faruku

-  Ikigo gikora graphic design: Smart design

-  Urubuga abantu banyuraho bashaka akazi: Job in Rwanda

-  Sosiyete igurisha ifatabuguzi rya televiziyo: STARTIMES

-  Sosiyete ivunja amafaranga cyangwa igafasha abantu kuyohereza mu mahanga: UNIMONI

-  Ikigo gitanga serivisi z’imyidagaduro: East African Promoters [EAP]

Aabitabiriye iki gikorwa banasusururikijwe n’abanyamideli batozwa n’uwitwa Omar muri Hidden Models berekanye imyambaro yakozwe na Mundi Design ya Made in Rwanda.

-  Abamuritse imideli baserukanye umucyo

Itsinda ry'abaririmbyi bize umuziki ku Nyundo niryo ryasusurukije abari bitabiriye iki gikorwa

Amafoto: Muhizi Serge


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza