Perezida Kagame yakiriye indahiro z’abayobozi bakuru mu butabera barimo uw’Urukiko rw’Ikirenga (Amafoto na Video)

Yanditswe na Cyprien Niyomwungeri
Kuya 6 Ukuboza 2019 saa 12:24
Yasuwe :
0 0

Perezida Paul Kagame kuri uyu wa Gatanu yakiriye indahiro z’abayobozi bakuru mu rwego rw’ubutabera, abasaba kugira imyifatire myiza kugira ngo bagirirwe icyizere n’ababagana bakeneye ubutabera.

Umukuru w’Igihugu yakiriye indahiro ya Perezida w’Urukiko rw’Ikirenga Dr Ntezilyayo Faustin, Visi Perezida w’Urukiko rw’Ikirenga, Mukamulisa M.Therese, Umushinjacyaha Mukuru, Havugiyaremye Aimable, Umushinjacyaha Mukuru wungirije Habyarimana Angelique na Visi Perezida w’Urukiko rukuru rw’ubucuruzi, Nkurunziza Valens.

Perezida Kagame yashimiye Perezida na Visi Perezida b’Urukiko rw’Ikirenga bacyuye igihe ari bo; Prof Rugege na Zainabu Kayitesi, avuga ko bifashe neza, bayobora abo bari bashinzwe neza kandi buzuza inshingano zabo mu nyungu z’igihugu, iz’Abanyarwanda n’abandi bose.

Aha niho yahereye abwira ababasimbuye ko bafite umusingi ukomeye wo gukomeza kubakiraho bakageza ubutabera ku rundi rwego kandi hari icyizere ko bazagira imirimo myiza bakuzuza n’inshingano uko bikwiye.

Ati “Nk’uko tubizi ubutabera bushingira ku mategeko no kuyubahiriza bikwiye kuba umuco mu buzima bwacu bwa buri munsi ntibibe umugenzo cyangwa ibyo dusabwa gusa”.

Perezida Kagame yavuze ko ‘kugira amategeko ameze neza ari ingenzi ariko icyo amarira abaturage nicyo cyangombwa’, asaba ko ibijyana n’aya mategeko bigomba kubahirizwa bigashyirwa mu bikorwa.

Yasabye abacamanza kwita ku myitwarire

Perezida Kagame yibukije ko ubutabera bushingira ku cyizere abantu bagirira abacamanza nacyo kigashingira ku budacyemwa, ubushishozi no kutabogama, bagaragariza mu buryo imanza zicibwa.

Yasabye abayobozi mu rwego rw’ubutabera kugira imyitwarire n’imyifatire kugira ngo abanyarwanda babone ubutabera bakwiye kandi bushyigikira iterambere ry’igihugu.

Ati “Icyizere rero kirubakwa, kigaharanirwa, kikanarindwa niyo mpamvu dusaba abacamanza kugira imyitwarire n’imyifatire bisumba ibyo dusaba abandi banyarwanda basanzwe nubwo n’abandi basanzwe mu nzego z’ubuyobozi dufite ibyo tubasaba byo ku rwego rwo hejuru”.

Umukuru w’Igihugu yavuze ko hari intambwe imaze guterwa mu butabera ariko atanga umukoro wo gukemura ibibazo bivugwa mu bucamanza cyane cyane ruswa.

Ati “Harimo ibivugwa bya za ruswa ibyo birumvikana ko dukwiriye kuyirwanya kugira ngo itazaba umuco iyo yabaye umuco mu bucamanza iba yabaye umuco mu gihugu hose ntabwo bijyanye n’inzira turimo n’amajyambere twifuza”.

Yavuze ko ababigaragaramo baba bakwiye kubibazwa no kubihanirwa ku mugaragaro no ku buryo buhagije.

Abayobozi bakuru mu rwego rw'ubutabera bitegura kurahira
Perezida w'Urukiko rw'Ikirenga Dr Nteziryayo ageza indahiro ye ku Umukuru w'Igihugu
Perezida Kagame yakira indahiro ya Perezida w'Urukiko rw'Ikirenga
Visi Perezida w’Urukiko rw’Ikirenga, Mukamulisa M.Therese arahira
Umushinjacyaha Mukuru, Havugiyaremye Aimable ageza indahiro ye ku Umukuru w'Igihugu
Umushinjacyaha Mukuru wungirije Habyarimana Angelique arahira
Visi Perezida w’Urukiko rukuru rw’ubucuruzi, Nkurunziza Valens arahirira inshingano
Abayobozi bakuru b'urwego rw'ubutabera barahiye
Visi Perezida w’Urukiko rukuru rw’ubucuruzi, Nkurunziza Valens
Perezida w'Urukiko rw'Ikirenga Dr Nteziryayo wasimbuye Prof. Sam Rugege
Umushinjacyaha Mukuru, Havugiyaremye Aimable
Visi Perezida w’Urukiko rw’Ikirenga, Mukamulisa M.Therese
Umushinjacyaha Mukuru wungirije Habyarimana Angelique
Visi Perezida w'Umutwe w'Abadepite Musa Fazil Harerimana (iburyo) na Depite Mukabagwiza Edda (hagati)
Abadepite n'Abasenateri bitabiriye uyu muhango
Minisitiri w'ubutabera asuhuza abari bagiye kurahira
CGP Rwigamba na Gen Maj Bayingana baganira
Umushinjacyaha Mukuru, Havugiyaremye Aimable (ubanza ibumoso), Umushinjacyaha Mukuru wungirije Habyarimana Angelique (hagati) na Visi Perezida w’Urukiko rukuru rw’ubucuruzi, Nkurunziza Valens
Minisitiri w'ubutabera Johnston Busingye yitabiriye uyu muhango
Abahagarariye ibihugu byabo mu Rwanda bitabiriye irahira ry'abayobozi bakuru b'urwego rw'ubutabera
Minisitiri w'Ubuhinzi n'Ubworozi Dr Geraldine Mukeshimana (ibumoso) na Minisitiri w'ibikorwa by'ubutabazi Germaine Kamayirese (iburyo) baganira
Minisitiri w'Ingabo Gen Maj Albert Murasira mu muhango wo kurahiza abayobozi bakuru b'urwego rw'ubutabera
Umugaba Mukuru w'Ingabo Gen Jean Bosco Kazura
Gen Kazura ari kumwe n'Umuyobozi wa Polisi IGP Dan Munyuza
Minisitiri w'Ubuzima Dr Diane Gashumba (ubanza) Umunyamabanga wa leta ushinzwe imibereho myiza y'abaturage, Nyirarukundo Ignacienne n'Umunyamabanga wa Leta ushinzwe itegeko Nshinga n'andi mategeko Evode Uwizeyimana
Minisitiri w'Ubuhinzi n'ubworozi Dr Mukeshimana na Minisitiri w'ikoranabuhanga na inovasiyo Ingabire Paula
Umunyamabanga wa Leta ushinzwe igenamigambi Dr Uwera Claudine
Minisitiri w'Urubyiruko n'Umuco Mbabazi Rosemary
Minisitiri wa Siporo Munyangaju Mimosa Aurore na Minisitiri w'Umutekano Gen Nyamvumba Patrick
Komiseri Mukuru wa RCS, CGP George Rwigamba (ibumoso) n'Umugaba Mukuru w'Inkeragutabara Gen Fred Ibingira
Umugaba Mukuru w'Inkeragutabara Gen Ibingira Fred
Umugaba Mukuru wungirije w’Inkeragutabara Gen Maj Innocent Kabandana (ibumoso) n'Umuyobozi Mukuru Wungirije wa Polisi y'u Rwanda ushinzwe ibikorwa bya Polisi, DIGP Namuhoranye Felix
Umugaba Mukuru w’Ingabo zirwanira ku kirere Maj Gen Emmanuel Bayingana
Umuyobozi w'Umujyi wa Kigali Pudence Rubingisa
Perezida Kagame yavuze ko abacamanza bakwiye kugira imyitwarire n'imyifatire ituma abantu babagirira icyizere
Umukuru w'Igihugu yasabye abayobozi bakuru mu rwego rw'ubutabera guhangana n'ibibazo birimo nka ruswa
Perezida Kagame yashimye intambwe urUmukuru w’Igihugu yakiriye indahiro ya Perezida w’Urukiko rw’Ikirenga Dr Nteziryayo Faustin; Visi Perezida w’Urukiko rw’Ikirenga, Mukamulisa M. Thérèse; Umushinjacyaha Mukuru, Havugiyaremye Aimable; Umushinjacyaha Mukuru wungirije Habyarimana Angelique na Visi Perezida w’Urukiko Rukuru rw’Ubucuruzi, Nkurunziza Valens. Uyu muhango wabereye mu Nteko Ishinga Amategeko ku wa 6 Ukuboza 2019wego rw'ubucamanza rumaze gutera nubwo hakiri intambwe ndende
Senateri Mureshyankwano Marie Rose yitabiriye uyu muhango kimwe n'abasenateri bagenzi be
Perezida Kagame na Perezida w'urukiko rw'ikirenga Dr Nteziryayo Faustin nyuma yo kurahira
Yamwifurije imirimo myiza
Perezida Kagame yafashe ifoto y'urwibutso n'umuryango wa Dr Nteziryayo
Perezida Kagame na Visi Perezida w’Urukiko rw’Ikirenga, Mukamulisa M.Therese
Umukuru w'Igihugu yifotoranyije n'umuryango wa Mukamulisa M.Therese
Perezida Kagame n'Umushinjacyaha Mukuru Havugiyaremye Aimable
Perezida Kagame n'Umushinjacyaha Mukuru wungirije Habyarimana Angelique
Yamwifurije imirimo myiza
Umukuru w'Igihugu yafashe ifoto y'urwibutso n'umuryango we
Perezida Kagame na Visi Perezida w’Urukiko rukuru rw’ubucuruzi, Nkurunziza Valens
Perezida Kagame yashimiye Prof. Sam Rugege ku mirimo myiza yakoze ari Perezida w'Urukiko rw'Ikirenga
Yamushimiye ko yakoze imirimo myiza mu nyungu z'abanyarwanda n'abandi bose

Amafoto: Niyonzima Moise

Video: Kazungu Armand


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .