Perezida Kagame yasoje umwiherero wari uhurije hamwe abayobozi basaga 400 i Gabiro (Amafoto)

Yanditswe na Rabbi Malo Umucunguzi
Kuya 20 Gashyantare 2020 saa 10:09
Yasuwe :
0 0

Umwiherero wa 17 wari uhurije hamwe abayobozi basaga 400 bo mu nzego za leta n’abikorera mu Kigo cya cy’Imyitozo cya Gisirikare cya Gabiro, wasojwe nyuma y’iminsi ine abayobozi bari bawumazemo.

Uyu mwiherero wari uyobowe na Perezida Paul Kagame, wibanze cyane cyane ku cyerekezo 2050, hanareberwa hamwe uruhare rwa buri rwego mu kugira ngo icyo cyerekezo kigerweho.

Ni umwiherero kandi wanaganiriwemo ku iterambere ry’inzego z’uburezi n’ubuzima, nka zimwe mu nkingi za mwamba mu gutuma icyerekezo igihugu cyihaye kigerwaho.

Hanaganiriwe kandi ku kubaka u Rwanda rutarangwamo ruswa, kimwe no kurebera hamwe aho u Rwanda ruhagaze mu bijyanye na politiki mpuzamahanga.

Kuri uyu wa Kane ari nawo wari umunsi wa nyuma w’umwiherero, hakozwe icyiciro cya kabiri cy’ikiganiro ku kubaka u Rwanda rutarangwamo ruswa, hanarebwa ku buryo u Rwanda ruhagaze muri politiki mpuzamahanga, ikiganiro cyagizwemo uruhare na ba ambasaderi b’u Rwanda banyuranye.

Lt Gen Frank Mushyo Kamanzi n’Umugenzuzi Mukuru wa RDF, Lt Gen Jacques Musemakweli, bari mu myitozo ngororamubiri ya mu gitondo, mbere y’uko ibiganiro bitangira
Buri munsi mu mwiherero abayobozi babanzaga kunanura imitsi
Hari abahitamo kujya mu mazi mbere y'uko ibiganiro byanzika
Abayobozi mu myitozo ngororamubiri ya mu gitondo
Umunyamabanga Uhoraho muri Minisiteri yo muri Perezidansi ya Repubulika, Mirembe Alphonsine (iburyo) ari mu myitozo
Umuvunyi Mukuru Wungirije, Musangabatware Clement (ibumoso) ari muri siporo hamwe na mugenzi we
Perezida Paul Kagame aganira na Minisitiri w'Intebe Dr Ngirente Edouard, mu nzira bagana mu cyumba cyaberagamo umwiherero
Perezida Kagame atanga umurongo mu gihe cy'Umwiherero
Umugenzuzi Mukuru w'Imari ya Leta, Obadiah Biraro atanga igitekerezo mu kiganiro ku kubaka u Rwanda rutarangwamo ruswa
Abayobozi batandukanye batanga ibitekerezo mu kiganiro kuri ruswa
Uyu mwiherero witabiriwe n'abayobozi mu nzego zinyuranye z'igihugu
Minisitiri w'Ubutabera akaba n'Intumwa Nkuru ya Leta, Johnston Busingye
Umuyobozi Mukuru wa Transparency International Rwanda, Ingabire Marie Immaculée atanga igitekerezo
Umuvunyi Mukuru Anastase Murekezi, mu kiganiro ku kurwanya ruswa
Lonzen Rugira atanga igitekerezo mu mwiherero w'abayobozi
Umwanditsi w'ibitabo Charles Habonimana atanga igitekerezo
Perezida Kagame mu mwiherero hagati
Perezida Kagame aganira na Perezida w’Umutwe w’Abadepite Mukabalisa Donatille; Perezida w’Urukiko rw’Ikirenga Dr Ntezilyayo Faustin; Perezida wa Sena Dr Augustin Iyamuremye na Minisitiri w’Intebe Dr Ngirente Edouard mu karuhuko
Perezida w'Urukiko rw'Ikirenga, Dr Ntezilyayo Faustin atanga igitekerezo
Umuyobozi Mukuru wa RBC, Dr Nsanzimana Sabin, Umuyobozi Mukuru muri RDB Ushinzwe Ishoramari Guy Baron n’Umuyobozi Mukuru muri RDB Ushinzwe Ubukerarugendo na za Pariki, Kariza Belise
Minisitiri w’Uburezi Dr Mutimura Eugene, Umunyamabanga wa Leta muri Minisiteri y’Ubuzima Dr Ndimubanzi Patrick na Minisitiri w’Ubuhinzi n’ubworozi, Dr Gerardine Mukeshimana, baganira
Perezida wa Sena Dr Augustin Iyamuremye aganira na Minisitiri w'Intebe, Dr Ngirente Edouard; inyuma yabo uhereye ibumoso hicaye Guverineri wa BNR, John Rwangombwa, Umuvunyi Mukuru Anastase Murekezi na Perezida w'Urugaga rw'abikorera, Robert Bapfakurera
Umunyamabanga wa Leta muri Minisiteri y'Ububanyi n'amahanga, Olivier Nduhungirehe, atanga ikiganiro
Ambasaderi w'u Rwanda muri RDC, Vincent Karega atanga igitekerezo
Minisitiri w'Ikoranabuhanga na Inovasiyo, Ingabire Paola atanga igitekerezo
Ambasaderi w'u Rwanda mu Bwongereza, Yamina Karitanyi atanga igitekerezo
Ambasaderi w'u Rwanda muri Leta Zunze Ubumwe za Amerika, Mathilde Mukantabana
Ambasaderi w'u Rwanda muri Singapore, Uwihanganye Jean de Dieu
Perezida Kagame asoza umwiherero wa 17 w'abayobozi
Perezida Kagame na Madamu Jeannette Kagame baganira n'abayobozi batandukanye nyuma y'umwiherero
Madamu Jeannette Kagame na Faith Keza baganira, bari imbere y'abandi bayobozi nyuma y'umwiherero

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .