00:00:00 IGIHE NETWORK KN KINYARWANDA EN ENGLISH FR FRANCAIS

Simukadi 485,867 zakuwe ku murongo w’itumanaho

Yanditswe na

Marie Chantal Nyirabera

Kuya 1 Kanama 2013 saa 12:17
Yasuwe :

Ubwo itariki ya 31 Nyakanga 2013 yari ntarengwa yo kuba buri wese agomba kuba yabaruje Simukadi (Sim Card) ye ya telefone igendanwa cyangwa iya modem, Ikigo ngenzuramikorere y’inzego zimwe z’imirimo ifitiye igihugu akamaro (RURA) cyatangaje ko 485,867 zakuwe ku murongo.
RURA yatangarije IGIHE ko simukadi zabaruwe ari 6,596, 005 bingana na 92,6% z’izagombaga kubarurwa. Izitarabaruwe ni 485,867 zikaba zakuwe ku murongo n’izitavuyeho ziri kuvanwaho nk’uko RURA yabitangaje.
Jean Baptist (...)

Ubwo itariki ya 31 Nyakanga 2013 yari ntarengwa yo kuba buri wese agomba kuba yabaruje Simukadi (Sim Card) ye ya telefone igendanwa cyangwa iya modem, Ikigo ngenzuramikorere y’inzego zimwe z’imirimo ifitiye igihugu akamaro (RURA) cyatangaje ko 485,867 zakuwe ku murongo.

RURA yatangarije IGIHE ko simukadi zabaruwe ari 6,596, 005 bingana na 92,6%
z’izagombaga kubarurwa. Izitarabaruwe ni 485,867 zikaba zakuwe ku murongo n’izitavuyeho ziri kuvanwaho nk’uko RURA yabitangaje.

Jean Baptist Mutabazi, ushinzwe itumanaho muri RURA, yatangarije IGIHE ko hari bamwe batabaruje. Abafatabuguzi ba sosiyeti ya TIGO, abasaga ibihumbi 70,905 ntibaruje simukadi zabo ariko ubwitabire mu kubarura bungana na 96,4%.

Muri Sosiyeti y’itumanaho ya MTN yo abasaga 361,123 nibo batabaruje Sim Card. Abafatabuguzi ba MTN bitabiriye kubaruza Sim Card ku kigereranyo cya 91,1%.

Muri Airtel Sim Card zisaga 53,839 ni zo zitabaruwe, ariko ubwitabire bw’ababaruje bungana na 94,4% .

Kwandikisha simukadi za telefone byatangijwe muri Gashyantare, Leta yakuyeho impungenge za bamwe bumvaga ko ari uburyo bwo kugira ngo bage bumvirizwa ibyo bavugiraho.

Minisitiri w’urubyiruko n’ikoranabuhanga, Nsengimana Jean Philbert, ubwo yafunguraga ku mugaragaro igikorwa cyo kwandikisha SIM cards za telefone bigahuzwa n’umwirondoro wa nyira yo mu kigo cy’itumanaho akorana nacyo, yagize ati “Ntawe ufite inyungu mu kumviriza telefoni z’abaturage, hari ababifata uko bitari murumva Leta yakumviriza telefoni z’abaturage bose ?”

Yavuze ko amategeko igihugu kigenderaho bitemewe kumenya amabanga ya buri muntu, gusa avuga ko iyo hari amakuru akenewe kumenyekana ku muntu runaka bitewe n’amakosa yaba yakoreye kuri telefoni, ubwo buryo bushobora kwifashishwa bitangiwe uburenganzira na Minisitiri w’umutekano.

Usibye na Leta, Nsengimana amara impungenge abaturage ko n’ikigo cy’itumanaho runaka kidafite uburenganzira bwo kumva amabanga y’abakiriya babo kitabisabiye uburenganzira.

Kwandikisha simukadi RURA yatangaje ko bifitiye akamaro abaturage, kuko bizabarinda abajura bakunze kwiba amatelefoni yabo. Ikindi kandi bikazafasha amabanki mu gufata abahinduzaga za SIM card (swap) zitari izabo, bagasinyisha amafaranga ku makonti y’abandi.

Indi nyungu ni uko hari n’abagira ingeso mbi yo gutukanira ku matelefoni batera abandi ubwoba, ngo iyi gahunda izabikemura byose kuko ushobora gufatwa kubera ikoranabuhanga, uwo ututse akureze.

Ikindi ngo bizafasha Leta mu kumenya abashaka guhungabanya umutekano w’igihugu bakoresheje telefoni.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .