U Rwanda rugiye kwakira inama ya gatatu y’ihuriro ry’abahinzi ba kawa ku Isi

Yanditswe na IGIHE
Kuya 18 Gashyantare 2020 saa 12:29
Yasuwe :
0 0

U Rwanda rwiteguye kwakira inama ya gatatu y’ihuriro ry’abahinzi ba kawa ku isi izaba hagati ya tariki 14-15 Nyakanga 2021. Iri niryo huriro rinini ku isi rihuza abahinzi kugira ngo bigire hamwe ingamba n’ibisubizo by’ibibazo by’ingutu bahura nabyo muri kawa.

Ibi byatangajwe na Juan Esteban Orduz, Perezida wa Federasiyo y’Abahinzi ba Kawa muri Colombia akanaba Umuyobozi mukuru w’ihuriro ry’abahinzi ba kawa ku isi mu kiganiro yagiranye na CNBC Africa ejo tariki ya 17 Gashyantare 2020. Ni nyuma y’uko iri huriro ubwo riheruka guteranira muri Campinas i Brazil mu mwaka wa 2019 ryemeje ko mu mwaka wa 2021 indi nama yaryo izabera mu Rwanda.

Orduz yashimangiye ko impamvu nyamukuru y’iri huriro ari uguhuriza hamwe abahinzi ba kawa, inzego zifata ibyemezo, abanyemari n’impuguke kugira ngo abanyamuryango bari mu bihugu by’iri huriro bacocere hamwe ibibazo bahura nabyo kuko bijjya kumera kimwe.

“Ubumwe bwacu mu gushaka ibisubizo by’ibibazo bitwugarije ni ingenzi. Tugomba gukorera hamwe kuko ni inshingano zacu gukora impinduka zirambye mu kubungabunga ubuhinzi n’ubucuruzi bwa kawa.”

Biteganyijwe ko abantu barenga 1,500 bo mu bihugu 40 hirya ni hino ku isi bihinga kawa bazitabira iyi nama.

Iri huriro ry’abahinzi ba kawa ku isi ni umuryango udaharanira inyungu washyiriweho kwiga no gukemura ibibazo byugarije ubuhinzi bwa kawa ku isi.

Ihuriro ry'abahinzi ba kawa rizabera mu Rwanda ku nshuro ya gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza