Nyamagabe: Inzara bise “Konoshi” ntizabageraho

Yanditswe na

Elisée Mpirwa

Kuya 30 Ukwakira 2012 saa 01:05
Yasuwe :
0 0

Abatuye imwe mu mirenge igize Akarere ka Nyamagabe bamaze iminsi bavuga ko bafite impungenge yo kuzibasirwa n’inzara mu minsi iri imbere ndetse banayise izina rya “Konoshi”, ariko ubuyobozi bw’aka karere burabahumuriza ko itazabaho.
Nyuma y’aho imirenge ituriye imigezi ya Rukarara ndetse na Mwogo yahuye n’ibiza ndetse n’indi imwe ntibone imvura uko bikwiye, abaturage batangiye kugaragaza ikibazo cy’uko bashobora kwibasirwa n’inzara ikomeye.
Mukarwego Umuhoza Immaculée, Umuyobozi w’Akarere (...)

Abatuye imwe mu mirenge igize Akarere ka Nyamagabe bamaze iminsi bavuga ko bafite impungenge yo kuzibasirwa n’inzara mu minsi iri imbere ndetse banayise izina rya “Konoshi”, ariko ubuyobozi bw’aka karere burabahumuriza ko itazabaho.

Nyuma y’aho imirenge ituriye imigezi ya Rukarara ndetse na Mwogo yahuye n’ibiza ndetse n’indi imwe ntibone imvura uko bikwiye, abaturage batangiye kugaragaza ikibazo cy’uko bashobora kwibasirwa n’inzara ikomeye.

Mukarwego Umuhoza Immaculée, Umuyobozi w’Akarere wungirije ushinzwe ubukungu n’iterambere, avuga ko nta mpamvu yumva aba baturage bagira impungenge kuko ngo hari byinshi bikorwa n’ubuyobozi ngo inzara ikumirwe.

Yagize ati “Bihutiye kwita umwana izina ataravuka kandi twizeye neza ko atazavuka. Ni koko hari imirenge itaraboneye imvura ku gihe ku buryo umusaruro uzaba muke ndetse hari n’imyuzure yangije imwe mu myaka, ariko ingamba zarafashwe ngo hirindwe inzara yakwibasira abaturage. Turabizeza rwose ko iyo ‘Konoshi’ itazabaho.”

Uyu muyobozi akomeza avuga no mu mateka y’u Rwanda koko muri bino bihe by’imvura habagaho inzara ariko zamaraga igihe gito.

Aba baturage bise iyi nzara bagendeye ahanini ko mu minsi ishize hari hagezweho ko abanyamabanga nshingwabikorwa b’imirenge (Gitifu) bari bamaze iminsi babashishikariza kubaka ibaraza ry’imbere aho bacururiza ari ryo ubusanzwe bo bita “Konozhi”.

Mu mateka y’u Rwanda, Akarere ka Nyamagabe kari mu cyahoze kitwa Gikongoro ubundi cyari gisanzwe kizwiho kugira inzara kubera ahanini kutera k’ubutaka bwayo ariko ubu aka karere gakunda kugaragara mu myanya myiza muri gahunda y’imihigo dore ko kari mu turere 7 tutajya dusubira inyuma mu manota tubona mu mihigo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza