Kigali: Abasabiriza bitwikiriye umunsi mukuru Eid Al Adha (Amafoto)

Yanditswe na Thamimu Hakizimana
Kuya 11 Kanama 2019 saa 05:33
Yasuwe :
0 0

Abatunzwe no gusabiriza ahantu hatandukanye mu Mujyi wa Kigali abenshi bagaragaye mu bice bya Nyamirambo aho Abayisilamu bari bakoraniye mu masengesho y’Umunsi Mukuru wa Eid Al Adha.

Uyu muhango wabereye ku musigiti w’ahazwi nko kwa Khadafi. Hari abasabiriza benshi, bambaye bikwije ndetse bamwe bapfutse umusatsi, ibintu bimenyerewe ku bayisilamu b’igitsina gore.

Hari kandi abagabo bambaye ingofero nto zizwi cyane ku basengera mu idini ya Islam.

Abaganiriye na IGIHE bavuze ko bakunze kwihindura Abayisilamu kuri uyu munsi mukuru kuko bibafasha kubona amafaranga menshi n’ibyo kurya.

Umwe yavuze ko ku munsi nk’uyu w’igitambo atajya ataha nta biro bitanu by’inyama ndetse n’amafaranga atari munsi y’ibihumbi 10 Frw.

Kuba Abayisilamu bishoboye bashishikarizwa kubaga amatungo bagafasha abatishoboye bakanategekwa gusabana n’abantu bose, ni kimwe mu bituma benshi mu basabiriza bakunze kwitabira uyu munsi.

Mu kwibuka igitambo cya Aburahamu, itungo ritangwaho igitambo bibarwa ko riba rikwiye gusangirwa hagati y’abatanga igitambo, abakene ndetse n’inshuti.

Mu gihugu hose harabagwa inka 2200 zifite agaciro ka miliyoni 550 Frw n’ihene 1400 zifite agaciro ka miliyoni 56 Frw.

Umuntu yavaga gusenga, yajya kwinjira mu modoka; abagore nka batatu bagahita bamugeraho bamusaba
Hafi y'ahabereye amasengesho hari abasabiriza benshi
Bari bambaye imyenda ihisha umutwe nk'uko abayisilamukazi babigenza
Kuri uyu munsi benshi baba bizeye gucyura amafaranga menshi
Uyu mugabo bamutangiriye akiva gusenga, batangira kumusaba
Hari ababa baturutse no hanze ya Kigali bagiye gusaba
Uyu mubyeyi uri iburyo yatangaje ko kuri uyu munsi adashobora gusiba ahari abayisilamu
Uyu mugabo ubana n'ubumuga, yari yambaye neza nk'Abayisilamu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza