Mexique: Kwenga inzoga yitwa Corona byahagaritswe

Yanditswe na IGIHE
Kuya 6 Mata 2020 saa 07:55
Yasuwe :
0 0

Kwenga inzoga yitwa Corona byahagaritswe by’agateganyo muri Mexique, kubera icyorezo cya Coronavirus gikomeje guhangayikisha Isi yose.

Ikigo cyenga iyi nzoga cyitwa Grupo Modelo cyashyize itangazo kuri Twitter, rivuga ko cyahagaritse ikorwa n’iyamamazwa ry’inzoga yitwa Corona kuko Guverinoma ya Mexique, yafunze ubucuruzi butari ubw’ibanze.

Mu cyumweru gishize Guverinoma ya Mexique, yatangaje ko ihagaritse ibikorwa bitari iby’ingenzi mu nzego za leta n’izigenga kugeza ku wa 30 Mata 2020 mu kurwanya ikwirakwira rya Coronavirus.

Mexique ifite abantu barenga 1500 banduye Coronavirus, abagera kuri 50 imaze kubica.

Grupo Modelo yatangaje ko yiteguye kongera gukwirakwiza iyi nzoga igihe cyose Guverinoma ya Mexique yashyira inganda zikora inzoga mu bicuruzwa by’ibanze.

Constellation Brands (STZ) ikwirakwiza inzoga za Grupo Modelo muri Leta Zunze Ubumwe za Amerika, ivuga ko hari icyizere ko iyi nzoga itazabura ku isoko.

Kuba iyi nzoga ya Corona hari aho izina ryayo rihuriye na Coronavirus, Constellation ivuga ko ntacyo byahungabanyije ku bucuruzi bwayo kuko bwiyongereye ku 8.9% mu mezi atatu ya mbere y’uyu mwaka.

Ibikorwa byo kwenga inzoga yitwa Corona muri Mexique byahagaritswe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .