U Bufaransa: Umugore utwite yishwe n’imbwa yagiye guhiga mu ishyamba

Yanditswe na IGIHE
Kuya 20 Ugushyingo 2019 saa 06:30
Yasuwe :
0 0

Umugore utwite yiciwe n’imbwa mu ishyamba ryo mu Majyaruguru y’u Bufaransa, aho yari yagiye guhiga ari kumwe n’imbwa ze.

Umubiri wa Elisa Pilarski w’imyaka 29, wabonywe hafi y’Umujyi wa Villers-Cotterêts.

Umushinjacyaha Frédéric Trinh, yavuze ko Pilarski yapfuye nyuma yo kurumwa kenshi n’imbwa ku maboko n’amaguru ndetse no ku mutwe.

Ubushinjacyaha buvuga ko Pilarski yarimo agenda mu Ishyamba rya Retz riri muri bilometero 80 werekeza mu Majyaruguru y’Uburasirazuba bwa Paris, ku wa Gatandatu.

Icyo gihe ngo yahamagaye umukunzi we amubwira ko afite ikibazo cy’uko imbwa nyinshi zigiye kumutera. Yahise yirukankira aho hantu akurikiye ijwi ry’imbwa ye aza kubona umurambo we afatanyije n’abaturanyi batabaza polisi.

Polisi yatangaje ko barimo gukora amasuzuma ku mbwa 93 ndetse banatangije iperereza ku waba yarishe uyu mukobwa.

Aya masuzuma arimo gukorwa hagereranywa ibimenyetso by’isano y’amaraso, ADN, n’izo mbwa basanze kuri Pilarski, bashaka kumenya inyamaswa yagize uruhare mu kwica uyu mugore.

Imbwa eshanu za Pilarski wari utwite inda y’amezi atandatu ubwo yapfaga ziri mu zirimo gukorerwaho isuzuma. Ibimenyetso byerekanye ko uyu mugore yariwe n’imbwa bigatuma ava amaraso menshi agapfa.

Pilarski ari kumwe n'imwe mu mbwa ze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza