U Butaliyani bwashyize ku isoko inzu 90, imwe igura 1000 Frw

Yanditswe na Uwase Joie Clarisse
Kuya 24 Mutarama 2020 saa 12:06
Yasuwe :
0 0

Ku mafaranga yawe 1050, umunyarwanda ashobora kwitungira inzu mu Butaliyani nyuma y’aho ubuyobozi bw’umujyi wa Bisaccia mu Majyepfo y’iki gihugu bushyize ku isoko inzu zatawe na bene zo.

Ubuyobozi bw’umujyi wa Bisaccia uherereye mu majyepfo y’u Butaliyani bwashyize ku isoko inzu 90 zifite agaciro k’iyero rimwe, amafaranga 1050 y’amanyarwanda.

Uyu mujyi washyize ku isoko inzu 90 buri imwe igura iyero rimwe mu rwego rwo gushishikariza abantu kongera kuza kuhatura.

Bisaccia ni agace kahoze gatuwe mu myaka ya 1980 ariko abantu baza kukavamo cyane kubera kwimukira ahandi. Ni agace kandi kagiye kibasirwa n’imitingito cyane.

Inyinshi muri izo nzu zirashaje cyane ndetse ubuyobozi buvuga ko abazigura bazahita bemererwa kuzivugurura.

Meya wungirije wa Bisaccia, Francesco Tartaglia yabwiye CNN ko ahaye ikaze imiryango, amatsinda y’abantu, n’abavandimwe kimwe n’abashoramari bifuza kuza kugura inzu muri Bisaccia.

Yashishikarije abashaka kuza kugura kutaza kugura inzu imwe, ahubwo bakagura nyinshi kugira ngo bazibyaze umusaruro.

Yagize ati “Dufite ikibazo cyihariye inaha. Inzu zatawe zuzuye mu bice bitandukanye by’umujyi byatuwe kuva kera. Inzu zangiritse zigiye zegeranye. Niyo mpamvu duhamagarira imiryango, inshuti n’abashoramari guhuza imbaraga bakagura inzu nyinshi, bagahumeka ubuzima bushya.”

Nubwo uzagura izi nzu agomba kuzivugurura, nta mananiza azashyirwaho mu kuvugurura nkuko bikunze kugenda, ndetse nta nubwo azabazwa igihe azabikorera cyangwa amafaranga runaka agomba gukoresha avugurura.

Kubera ko inzu nyinshi muri ako gace zasizwe na bene zo, abagura bazavugana n’ubuyobozi bw’umujyi busigaye buzicunga, nubwo abakihafite ababo bemerewe kwigurishiriza.

Inzu imwe muri aka gace iri kugurishwa idolari rimwe risaga
Inyinshi mu nzi ziri kugurishwa zarashaje kuko zimaze igihe
Bisaccia iheruka guturwa n'abantu benshi mu myaka ya 1980
Ibice byinshi by'umujyi wa Bisaccia byubatswe kera
Uyu mujyi ukeneye ko abazagura inzu bahita bazivugurura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .