Umunyemari w’Umuyapani arifuza umukunzi bazajyana gutembera ku kwezi

Yanditswe na Uwase Joie Clarisse
Kuya 15 Mutarama 2020 saa 10:54
Yasuwe :
0 0

Waba uri umukobwa wifuza umukunzi ukwitaho, akagutetesha, akakugabira Isi n’Ijuru, akagutembereza kure utigeze urota na rimwe; nta kabuza iyi nkuru ni iyawe; kuko ishobora kukubera ikiraro kikugeza ku kwezi.

Byumvikana nk’ibitekerezo by’amakabyankuru byo muri filime za siyansi ariko Umunyemari w’Umuyapani, Yusaka Maezawa, ari gushaka umukobwa mwiza bakundana hanyuma bakazajyana gutemera ku kwezi.

Maezawa uheruka gutandukana n’umukobwa bakundanaga, yatangaje ko yifuza umukunzi mushya bazajyana mu cyogajuru bakajya ku kwezi mu 2023.

Uyu mugabo w’imyaka 44 y’amavuko yanditse ku rubuga rwa Twitter, ko muri we adatekanye nyuma y’uko amaze iminsi nta mukunzi afite.

Ati” Mu gihe numva ntangiye kugira irungu ndetse nkaba nsa n’aho ntacyo nsigaranye, hari ikintu kimwe nkomeza gutekerezaho, gukomeza gukunda umugore umwe.’’

‘’Ndashaka umukunzi tubana, hamwe n’uwo mukunzi wanjye tugasangira urukundo rwacu n’amahoro y’Isi turi ku kwezi.’’

Ikinyamakuru Forbes kigaragaza ko Maezawa washinze urubuga rw’ubucuruzi bwo kuri internet rwa Zozotown, afite umutungo ubarirwa muri milliyari 2$ ndetse yiyita umuherwe ukoze mu mashanyarazi, umunya-Muziki w’injyana ya Rock n’andi mazina atandukanye.

Mu bijyanye n’abashoramari, yahembwe nk’uwitwaye neza mu mwaka wa 2018.

Maezawa yatangaje ko umukobwa yifuza ari utarashaka, ufite imyaka 20 kuzamura, ufite ubwenge kandi wemera ko bazajyana ku kwezi mu cyogajuru cya SpaceX.

Itariki ntarengwa yo gutanga ubusabe bwo kuba umukunzi w’uyu munyemari ni 17 Mutarama mu gihe uwo azahitamo azatangazwa mu mpera za Werurwe.

Ababyifuza bazagaragaza indeshyo yabo, akazi basanzwe bakora, ibyo bakunda gukora, ubumenyi bafite, icyo bishimira kuri Maezawa n’ifoto yabo.

Igikorwa cyo guhitamo uyu mukunzi kizakorwamo icyegeranyo cyiswe ‘’Full Moon Lovers’’ kizerekanwa kuri Abema TV.

Hari hashize iminsi Maezawa atangaje ko agiye gutanga miliyoni 9$ ku bantu 1000 bamukurikira ku rubuga nkoranyambaga rwa Twitter agamije kureba uburyo amafaranga azamura ibyishimo byabo.

Uyu muherwe yatangiye gukora ibikorwa nk’ibi muri Mutarama 2019, asezeranya miliyoni 100 z’ama-Yen zingana n’ibihumbi 914$ ku bantu 100 bakoresha twitter birangira buri umwe abonye asaga ibihumbi 9$.

Icyo gihe yaciye agahigo kuko ubutumwa bwe (tweet) aribwo bwasangijwe na benshi kurusha ubundi, hakorwa retweet miliyoni 4.68.

Yusaka Maezawa arashaka umukunzi bazajyana gutembera ku kwezi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza