Ndayisenga Valens yegukanye agace ka gatatu mu mateka ye muri Tour du Rwanda, nyuma yo kuza ku isonga kuri uyu wa gatatu, mu nzira y’ibirometero 124 na metero 700,yahagurukiye i Kigali kuri Convention Center, igasorezwa i Karongi.

Uko abakinnyi bakurikiranye kugera i Karongi

1. Ndayisenga Valens: Dimension Data: 03h 16’46”
2. Kangangi Suleiman: Kenya Riders Downunder: 03h 17’52”
3. Areruya Joseph: Les Amis Sportifs: 03h 18’13”
4. Eyob Metkel: Dimension Data: 03h 18’13”
5. Nsengimana Jean Bosco: Stradalli-Bike Aid: 03h 18’13”
6. Okubamariam Tesfom: Eritrea: 03h 18’13”
7. Ruhumuriza Abraham: Team Rwanda: 03h 18’13”
8. Watchtendorf Brett: Team Lowestrate.CA: 03h 18’13”
9. Ghebreigzabhier Amanuel: Dimension Data: 03h 18’13”
10. Byukusenge Patrick: Les Amis Sportifs: 03h 18’13”

Uko abakinnyi bakurikirana muri rusange

1. Ndayisenga Valens: Dimension Data: 05h33’26”
2. Areruya Joseph: Les Amis Sportifs: 05h34’51” +1’25”
3. Nsengimana Jean Bosco: Stradalli-Bike Aid: +1’26”
4. Okubamariam Tesfom: Eritrea: +1’32”
5. Eyob Metkel: Dimension Data: +1’37”
6. Kangangi Suleiman: Kenyan Riders Downunder +3’07”
7. Ghebreigzabhier Amanuel: Dimension Data: +3’20”
8. Buru Temsegen Mebrahtu: Ethiopie: +3’25”
9. Fournet Fayard Sebastien: Haute Savoie: +3’27”
10. Watchtendorf Brett: Team Lowestrate.ca: +3’27”

– 12:50: Ndayisenga Valens yegukanye agace Kigali-Karongi ahita anambikwa umwenda w’umuhondo yanikiye abari bamukurikiye

Valens yakiriwe n'imbaga i Karongi...

Ni umwe mu basore bamaze kubaka ibigwi muri iri siganwa

Valens Ndayisenga amaze kwegukana Tour du Rwanda ebyiri

Valens yaje guhembwa nk'umukinnyi wageze i Karongi ari imbere...

Ahembwa nk' umunyafurika uza imbere y'abandi magingo aya...

... anahabwa igihembo cy'umukinnyi ufite umwanya mwiza mu bakiri bato

Maze RDB inamuhembera kuba umunyarwanda umaze gukoresha ibihe byiza kurusha abandi

Igihembo cyamucitse ni icy'uwitwaye neza ahantu hazamuka, igihembo cyegukanywe n'umusore muto kurusha abandi muri iri siganwa, Mugisha Samuel wa Benediction Club

12:30: Valens Ndayisenga ayoboye itsinda ry’abantu 10, harabura kilometero enye ngo agace gasozwe.

12:10:Ku rutare rwa Ndaba:Abakinnyi 10 barimo Ndayisenga Valens, Nsengimana Bosco na Areruya Jeoseph hamwe n’Abanya-Erytrea bane bari imbere. Basize irindi tsinda umunota umwe, nta gihindutse ni bo bavamo utsinda.

11:50: Ku rufungo: Mugisha Samuel atwaye agace ka gatanu ko kuzamuka. Niwe uri buze kwambikwa umwenda w’umukinnyi witwaye neza ahazamuka. Intera y’iminota yari imutandukanyije n’abandi yagabanutse aho igeze ku masegonda 25. Igikundi kiri inyuma ye kirimo Areruya na Valens Ndayisenga

11:10: Tugiye kugera i Nyange: Mugisha Samuel yasize igikundi kimukurikiye iminota itatu n’amasegonda 45.

10:30: Akazamuko ka gatatu, uwa mbere aracyari Mugisha Samuel, uwa kabiri umunya Eritrea-Mehari Kibrom uwa gatatu Meron Amanuel wegukanye iki gihembo ku munsi w’ejo. Ubu tugeze mu cya Kabiri i Muhanga.

10:23: Ku Kivumu: Mugisha Samuel ari imbere y’igikundi ho umunota n’amasegonda 40. Hagati aho ntibiratangazwa icyatumye Mathieu ava mu isiganwa gusa amakuru avuga ko yagize ikibazo cy’uburwayi.

– 10:02: Tugeze i Rugobagoba. Inkuru itari nziza ni uko Twizerane Mathieu wa Les Amis Sportifs y’i Rwamagana avuye mu isiganwa burundu

10:00: Mugisha Samuel yasize igikundi ho umunota n’amasegonda 34. Turacyari Kamonyi.

9:58: Kamonyi-Akazamuko ka kabiri muri dutandatu turi butangirweho amanota, uwa mbere, ni Mugisha Samuel, uwa kabiri Biziyaremye Joseph uwa gatatu umunya Eritrea Mehari Kibrom

9:55: Mugisha Samuel kuri ubu ni we uri imbere aho yasize igikundi umunota n’amasegonda 30. Navara wo muri Philipinnes na Joseph Biziyaremye bo basize igiikundi amasegonda 44.

9:45: Abakinnyi batatu bari imbere basize igikundi ho amasegonda 50. Mu Nkoto.

9:36: Abakinnyi batatu ni bo bari imbere Mugisha Samuel, Biziyaremye Joseph na Milanik basize igikundi amasegonda 35. Tugeze Bishenyi.

9:33: Biziyaremye Joseph acomotse igikundi agisizeho amasegonda 19.

9:31: Akazamuko ka mbere ko ku Ruyenzi, uwa mbere ni umunya-Eritrea Navara, uwa kabiri ni Biziyaremye Joseph.

9:23’: Abakinnyi ni bwo bageze aho batangirira kubara ibirometero, ku Giti cy’Inyoni

9:00: Abakinnyi bose 73 bahagurutse kuri Kigali Convention Center berekeje i Karongi mu nzira y’ibirometero 124 na metero 700.

Ndayisenga Valens, Areruya na Joseph ni bo banyarwanda batatu bahabwa amahirwe yo kwegukana iri siganwa

Ikipe ya Lowesrates yo muri Canada ishobora kugera ku Kibuye ari mbarwa

Benediction Club ni imwe mu zihagarariye u Rwanda mu isiganwa

Amafoto Manzi Rema Jules