Umunyamabanga Nshingwabikorwa w’Umurenge wa Rugendabari Ntagisanimana Jean Claude, yatangarije IGIHE ko nta mpamvu bari bamenya yatumye Ntezimana atema mugenzi we.

Yagize ati “Kugeza uyu munsi ntabwo turabimenya neza, yaraye amutemye ahita yiruka gusa kuko tuba dufite amarondo, bamukurikiye baramufata ubu bamushyikirije inzego z’umutekano.”

Akomeza avuga ko nyuma yo kumutema, bahise bamujyana ku Kigo nderabuzima cya Rugendabari ariko biba iby’ubusa arahagwa.

Nubwo hataramenyeka icyateye ubwo bwicanyi, Umunyamabanga Nshingwabikorwa w’Umurenge avuga ko hakekwa ko yari yanyweye ibiyobyabwenge kuko hari n’ubundi yabifungiwe.

Ntezimana Pascal afungiye kuri kuri Sitasiyo ya Polisi ya Mushishiro.

Nyakwigendera asize umugore n’abana babiri.