Nyandwi Saddam amaze igihe adakina, aho yari amahitamo ya gatatu kuri uyu mwanya, inyuma ya Iradukunda Eric na Irambona Eric wajyaga yitabazwa kuri uru ruhande nubwo asanzwe akina ibumoso.
Muri Nyakanga uyu mwakaRayon Sports yari yagaragaje ubushake bwo kwirukana uyu mukinnyi ariko nyuma yo gusanga ishobora kumukenera, iramugarura.
Nyandwi Saddam yinjiye mu ikipe ya Rayon Sports mu mwaka wa 2017 avuye muri Espoir FC, ku masezerano y’imyaka ibiri yarangiye muri Nyakanga.
Ku gicamunsi cyo kuri uyu wa Mbere kandi, Rayon Sports yemeje isinyishwa rya myugariro wo hagati, Kayumba Soter washyize umukono ku masezerano mu mpera z’ukwezi gushize.
Kayumba yasinyiye Rayon Sports tariki ya 29 Ugushyingo ku masezerano y’umwaka umwe n’igice, ariko kuko yari agifitiye amasezerano AFC Leopards yo muri Kenya, yashinjaga kutubahiriza ibyo bumvikanye, we n’Ubuyobozi bwa Rayon Sports birinda kwemeza ko hari ubwumvikane bwabayeho.
Kayumba Soter, a former @AS_KigaliFC & @AFCLeopards captain has signed a One-and-a-half year contract with #Gikundiro...
His service in Blues will kickoff in today's trainings... #KaribuKayumba pic.twitter.com/9ewz7tczdX
— Official Rayon Sports (@rayon_sports) December 23, 2019
Uyu myugariro w’ikipe y’igihugu Amavubi, abaye umukinnyi wa kabiri Rayon Sports isinyishije nyuma ya rutahizamu w’Umunya-Côte d’Ivoire Drissa Dagnogo.
Rayon Sports yasoje igice cya mbere cya Shampiyona iri ku mwanya wa gatatu n’amanota 31, izagaruka mu kibuga tariki ya 5 Mutarama 2020, yakira Gasogi United mu mukino w’umunsi wa 16 wa Shampiyona.
TANGA IGITEKEREZO