Amafoto y’ibirori bya Kigali Fashion Week byaranzwe n’imyambarire ihebuje

Yanditswe na Ivan Nyagatare
Kuya 29 Gicurasi 2017 saa 10:56
Yasuwe :
19 5

Ibirori ngarukamwaka bikomeye bihuza abanyamideli bizwi “Kigali Fashion Week” byongeye kubera mu Mujyi wa Kigali, byerekanirwamo imyambaro idasanzwe yakozwe n’abafite ubuhanga mu kuyiha ishusho, barimo n’abaturuka hanze y’u Rwanda.

Ni ku nshuro ya karindwi Kigali Fashion Week ibaye nyuma y’izabaye mu myaka itandatu ishize. Ibirori by’uyu mwaka byabaye mu minsi itatu, byerekaniwemo imodoka, imyambaro isanzwe n’itamenyerewe ndetse n’ibindi bikorwa bitandukanye bigaragaza umwihariko n’intera ibijyanye no kumurika imideli bimaze kugeraho mu Rwanda.

Ibirori bisoza byabaye mu ijoro ryo ku wa Gatandatu, tariki 27 Gicurasi 2017, byitabiriwe n’abantu b’ingeri zitandukanye barimo abanyamahanga n’abayobozi mu nzengo nkuru z’igihugu na Minisitiri w’Imicungire y’Ibiza n’Impunzi, Seraphine Mukantabana wari waje gushyigikira iki gikorwa.

Imyiyereko y’abanyamideli n’imyambarire yagaragaye muri Kigali Fashion Week byanyuze benshi mu bitabiriye, hashimwa cyane uburyo u Rwanda rugeze ku ntera yo kugirana imikoranire n’abatunganya imideli bakomeye baturuka mu bihugu byo hanze.

Uwitwa Gatesi Yvette uri mu bitabiriye ibi birori waganiriye na IGIHE, yagize ati "Ibirori nabikunze cyane njye nabonye imyambaro ihebuje ku buryo nanjye nifuza kuyambara. Ikindi nishimiye kubona ni abakora imideli bo hanze baza bakambika abamurika imideli bo mu Rwanda.

Ibi birori byari biyobowe n’umushyushyarugamba Makeda Mahedeo byagaragayemo imyiyereko y’abamurika imideli bagera kuri 60 bambitswe n’abayikora 15 barimo n’abaturutse hanze y’u Rwanda barindwi. Kigali Fashion Week y’uyu mwaka yitabiriwe n’abakora imyuga ijyanye n’imideli bo mu bihugu nka Cameroun, Sudani, Kenya, Uganda, u Buhinde, Nigeria, u Bwongereza, u Bubiligi, Afurika y’Epfo, Ethiopia, u Buyapani, u Burundi n’ahandi.

Inzu z’imideli zirimo ’Delphine House of Fashion’, ’Tanga Designs’, ’Christa Bella’, ’Hakym Reagan’, ’Lupita Collection’, ’Cynthia Rupari’, ’Patrick Inkanda’, ’Fathia’ ni zimwe mu zerekanye imyambaro zikora muri ibi birori byatangijwe bwa mbere mu Rwanda mu 2011 bifite intego yo kuzamura abanyamideli.

Aba banyamideli berekanye imyambaro yakozwe na JO Camana Creation
Abakobwa bafite umubyimba muto bahacanye umucyo
Abakobwa bamaze kumenyekana mu kwerekana imideli mu Rwanda bari babukereye
Uyu mudeli na wo wahangiwe muri JO Camana Creation
Iyi myambaro nayo yakozwe na JO Camana Creation
JO Camana Creation idoda n'amakanzu agezweho
Buri wese yatambukaga mu buryo bujyanye n'imideli yerekana
Umuhanzi w'imideli muri Jo Camana Creation n'abanyamideli be
Ibi birori byitabiriwe n'abantu benshi
Ibi birori byitabiriwe n'abantu benshi
Kigali Fashion Week yitabiriwe n'abaturuka mu bihugu bitandukanye ku mugabane wa Afurika
Umunyamideli Happy Jacqueline Umurerwa umaze kugira izina rikomeye mu karere, yakurikiranye ibi birori
Umunyamideli Jay D (i bumoso) ari mu bitabiriye Kigali Fashion Show

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza