Miss Akiwacu Colombe yitabiriye imurika ry’imisatsi i Paris

Yanditswe na Muvunyi Arsène
Kuya 18 Kamena 2019 saa 08:49
Yasuwe :
0 0

Akiwacu Colombe wabaye Nyampinga w’u Rwanda mu 2014 yitabiriye imurika ry’imisatsi rigamije kwamagana ivangura rikorerwa abafite imisatsi y’injwiri.

Ibi byabaye ku mugoroba wo ku wa Gatandatu w’icyumweru gishize mu Mujyi wa Paris mu gace ka Place de l’Opera.

Iki gikorwa cyateguwe na Mureille Kabile usanzwe akora imisatsi y’ubwoko butandukanye.

Abinyujije ku rubuga rwe rwa internet, yavuze ko yateguye igikorwa cyo kumurika imisatsi y’injwiri nyuma yo kunenwa no kuvangurwa n’abandi batandukanye.

Iki gikorwa cyo kumurika imisatsi cyiswe “Don’t Touch My Hair”, cyakozwe mu rwego rwo kwamagana abantu bakora mu misatsi y’abafite injwiri nk’uburyo bwo kubendereza cyangwa kubirataho, ibintu bifatwa nk’ivanguraruhu.

Nyampinga w’u Rwanda mu 2014, Akiwacu ni umwe mu banyamideli biyerekanye mu muhanda bambaye imisatsi myinshi, mu gace ka Place de l’ Opera.

Abinyujije ku rubuga rwe rwa Instagram, Akiwacu yavuze ko muri iki kinyejana nta muntu ukwiye kunena undi ngo ni uko afite imisatsi idasa n’iye.

Akiwacu Colombe umaze imyaka ine mu Bufaransa, mu 2017 yitabiriye igikorwa cyo kumurika imisatsi cyiswe Big Hair World.ed.

Don't Touch My Hair ni ubukngurambaga bwatangijwe na Mureille Kabile
Biyerekanye mu muhanda i Paris
AKiwacu Colombe yifashishijwe mu kwamagana abanena abifite imisatsi y'injwiri
Akiwacu Colombe yamaganye ivangura rikorerwa abafite imisatsi y'injwiri
Mureille Kabile amaze kwandika izina rikomeye mu gukora imisatsi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza