Umunyamideli Kate Bashabe yavuye mu gihome

Yanditswe na Munyengabe Murungi Sabin
Kuya 7 Nyakanga 2016 saa 08:18
Yasuwe :
0 0

Bashabe Catherine wamamaye nka Kate yavuye mu gihome aho yari afungiwe kuri station ya Gikondo, yari akurikiranyweho icyaha cyo gukubita no gukomeretsa bagenzi be babiri.

Kate Bashabe washinze inzu y’imideli yitwa ‘Kabash Fashion House’, yatawe muri yombi na Polisi y’u Rwanda mu Karere ka Kicukiro mu ijoro ryo kuwa 4 Nyakanga 2016. Yafunzwe nyuma y’uko abakobwa babiri batabaje Polisi bamurega ‘ko yabashimuse akabafungirana mu nzu ye ubundi akabahata inkoni’.

Uyu mukobwa w’imyaka 25 y’amavuko, yarekuwe ku mugoroba wo kuri uyu wa Gatatu tariki ya 6 Nyakanga 2016, aho yahise ashyira ifoto ye nshya kuri Instagram yifuriza Abayisilamu umunsi mwiza wa Eid al-Fitr. Benshi bagaragaje ko bishimiye kuba yarekuwe mu gihe hari abandi bamubwiraga ko ‘yagize neza gukubita abo bakobwa’.

Kakoza Nkuriza Charles [KNC], ari mu batanze ibitekerezo ku irekurwa rya Kate aho yanditse amubwira ati “Navuze ko ukeneye inshuti kugira ngo wishime, ariko kandi ukeneye abanzi kugira ngo urusheho gukomera cyane.”

Umwe mu bari muri dosiye y’ikirego cya Kate Bashabe yabwiye IGIHE ko Polisi yamurekuye by’agateganyo ndetse ko agiye gukomeza gukurikiranwa ari hanze kugeza igihe ikibazo cyavutse kizabonerwa umuti.

Abakobwa Kate ashinjwa gukubita akanabakomeretsa bavuga ko intambara hagati yabo yavutse biturutse kuri konti ya Instagram imusebya, yashinzwe n’umuntu utaramenyekana.

Uwayishinze ngo yandikagaho amagambo asebya uyu mukobwa ko atunzwe n’akazi ‘ko kuryamana n’abanyamafaranga bakomeye mu Rwanda na Nigeria’, ibintu byamubabaje cyane kugeza ubwo atana mu mitwe n’abakobwa b’inshuti be babiri bamurega kubashimuta akanagerekaho kubatera ubwoba ko azabica akijyana muri Gereza ya 1930.

Kate Bashabe yavuye mu gihome

IGIHE yagerageje kuvugana na Kate Bashabe ngo asobanure byimbitse ibibazo byatumye atabwa muri yombi, ntibyadukundira kuko umurongo wa telefone ye ufunze kugeza ubu.

Mu nkuru yacu itaha tuzabagezaho birambuye, icyo Kate Bashabe avuga ku birego abakobwa b’inshuti ze bamushinja.

Kate yari amaze iminsi ibiri afungiwe i Gikondo
Kate ni we nyiri inzi y'imideli ikomeye ya 'Kabash Fashion House'

Inkuru irambuye ku ifungwa rya Kate Bashabe


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .