Ingaruka ubushyuhe bukabije buzagira ku Isi mu myaka 50 iri imbere

Yanditswe na Umwali Zhuri
Kuya 5 Gicurasi 2020 saa 11:23
Yasuwe :
0 0

Magingo aya, baracyari bake ariko nta gikozwe nibura miliyari 3.5 z’abazaba batuye Isi mu myaka 50 iri imbere, bazaba batuye ahantu hari ubushyuhe buri hejuru y’ububoneka mu butayu bwa Sahara.

Ni ibigaragazwa n’ubushakashatsi bwakozwe na Kaminuza eshanu zirimo izo muri Leta Zunze Ubumwe za Amerika, u Bushinwa no mu Burayi, bwamuritswe mu Kinyamakuru PNAS kivuga ku bushakashatsi.

Abashakashatsi bakoze iyi nyigo, bagendeye ku bijyanye n’ubwiyongere bw’abaturage, uko ubutaka bukoreshwa ndetse n’imihindagurikire y’ikirere bizaba biriho mu myaka iri imbere.

Barebye ibibazo ikiremwamuntu cyahuye nacyo biturutse ku mihindagurikire y’ikirere ndetse banagenzura ibishobora kuzahabo mu gihe kiri imbere.

Nibura mu 2050, ubushyuhe bw’Isi buzaba bwariyongereyeho nibura dogere Celsius ziri hagati ya 2.5 na 2.7; ndetse abantu bari hagati ya miliyoni 160 na 200 baba mu Buhinde bazaba batuye mu bushyuhe bukomeye. Bizagira ingaruka ku bukungu bw’igihugu aho nibura umutungo mbumbe wabwo uzahungana ku kigero cya 2.5% na 4.5%.

Mu bihugu byo muri Afurika yo munsi y’Ubutayu bwa Sahara, amasaha abantu bamara mu kazi nayo azagabanuka ku kigero cya 10 na 20%.

Ibice byinshi by’Isi muri iki gihe bifite ubushyuhe bwa 13 °C, mu myaka 50 aho hantu hashobora kuzaba hashyushye ku kigero cya 20 °C, ubushyuhe bugaragara muri iki gihe mu bice byinshi bya Afurika y’Amajyaruguru nk’uburi hasi.

Ubushakashatsi kandi bugaragaza ko abaturage batuye mu bice bishyushye muri iki gihe, baziyongera cyane mu myaka nibura 50 iri imbere. Miliyari 3.5 z’abatuye Isi nibura bazaba batuye ahantu hari ubushyuhe bwa 29.0 °C.

Ubushyuhe bukabije bushobora kwigabiza Isi mu bihe biri imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .