Meteo Rwanda yaburiye abaturarwanda ku mvura nyinshi izageza kuwa 20 Mata

Yanditswe na IGIHE
Kuya 17 Mata 2020 saa 12:13
Yasuwe :
0 0

Ikigo cy’iteganyagihe, Meteo Rwanda cyatangaje ko guhera tariki 17 Mata kugeza tariki 20 Mata 2020 hazagwa imvura nyinshi mu bice bitandukanye by’igihugu.

Meteo Rwanda ivuga ko iyo mvura izaba irimo umuyaga mwinshi mu bice bitandukanye by’igihugu. Ahateganyijwe kugira imvura nyinshi kurusha ahandi ni mu Ntara y’Iburengerazuba, Intara y’Amajyepfo, mu Mujyi wa Kigali no mu majyepfo y’Intara y’Iburasirazuba.

Iyi mvura izagwa iri hagati ya milimetero 10 na 50 ku munsi. Uko babara amazi ya milimetero, urugero nk’amazi ya milimetero 10, ni litiro icumi zaguye mu butaka bwa meterokare 10.

Meteo ivuga ko iyo mvura izaterwa n’isangano ry’umuyaga ndetse n’ubuhehere bw’umwuka bwiyongereye mu karere u Rwanda ruherereyemo.

Umuyaga uteganyijwe uzaba ufite muvuduko uri hagati ya metero 5 na 10 ku isegonda.

Meteo Rwanda yashishikarije Abaturarwanda bose kwitwararika bakurikiza amabwiriza bahabwa n’inzego zishinzwe gukumira ibiza.

Meteo Rwanda yatangaje ko kugeza kuwa 20 Mata hazagwa imvura nyinshi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .