Apple yafunze amaduka yayo yose ku isi uretse mu Bushinwa

Yanditswe na Bukuru JC
Kuya 14 Werurwe 2020 saa 06:11
Yasuwe :
0 0

Uruganda rukora telefone n’ibindi bikoresho by’ikoranabuhanga, Apple rwatangaje ko rubaye rufunze amaduka yarwo hirya no hino ku Isi uretse mu Bushinwa, hagamijwe kurinda abakozi barwo icyorezo cya Coronavirus gikomeje guhungabanya Isi.

Uru ruganda rufite amaduka menshi ku isi, rwiyemeje no gutanga miliyoni 15 z’amadolari mu gufasha guhangana na coronavirus.

Apple yihaye ibyumweru bibiri kugeza kuwa 27 Werurwe akaba ari bwo izatangaza niba abakozi bayo bakomeza kuguma mu rugo cyangwa basubira mu kazi.

Mu bice bidatuwe cyane aho abakozi bashobora kujya ku kazi, Apple yatangaje ko bazakomeza gukora ariko bakigengesera cyane kubera coronavirus.

Impamvu mu Bushinwa amaduka arakomeza gukora ni uko umubare w’abandura coronavirus ukomeje kugabanyuka.

Kuri uyu wa Gatanu amaduka 42 ya Apple yafunguwe mu Bushinwa nyuma y’ukwezi afunzwe.

Muri Gashyantare nibwo Apple yabaye ihagaritse ibikorwa byayo mu Bushinwa ubwo icyo gihugu cyari cyahagaritse ibikorwa mu mijyi myinshi kugira ngo kibashe guhangana na coronavirus.

Byagize ingaruka z’ubukungu kuri Apple kuko telefone urwo ruganda rwagurishije muri Gashyantare 2020 zagabanyutseho kimwe cya kabiri ugereranyije n’izo rwagurishije mu kwezi nk’uko umwaka ushize.

Ikindi cyashegeshe Apple ni uko zimwe mu nganda zo mu Bushinwa zikora ibikoresho byifashishwa muri telefone zayo zari zabaye zihagaritse imirimo.

Apple itangaza ko muri Gashyantare yagurishije telefone za iPhones 494,000 mu Bushinwa ugereranyije na iPhones miliyoni 1.27 zagurishijwe muri Gashyantare umwaka ushize.

Amaduka ya Apple mu Bushinwa yo azakomeza gukora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .