My Airtel app: Uburyo bworoshye bwo kwishyura serivisi nyinshi ukoresheje telefone yawe

Yanditswe na IGIHE
Kuya 15 Gicurasi 2020 saa 10:06
Yasuwe :
0 0

Telefone zigezweho za smartphones zabaye gikoresho nkenerwa cya ngombwa ku batuye isi hafi ya bose. Ni benshi bamaze kumva ko badashobora kubaho batayifite ngo ubuzima bwabo bugende uko babyifuza.

Igitangaje, ntabwo ari benshi bifashisha icyo gikoresho nkoranabuhanga mu gihe bishyura amafaranga ya internet ituma icyo gikoresho gikora, turacyahata inzira amaguru tujya mu maduka kugura ama-inite yo gukoresha, tukirirwana amafaranga mu mufuka hato akaba yanakwibwa ngo tugiye guhaha.

Airtel iri guhindura iyo migirire ya kera, itangiza uburyo bwa MyAirtel app aho serivisi hafi ya zose ushobora kuzishyurira kuri telefone yawe bitabaye ngombwa ko uva aho uri.

Serivise ziri muri ‘My Airtel App’ zirimo izo kugura ama-inite, internet, kwishyura ibyo ukeneye byose nk’amazi, amashanyarazi, ifatabuguzi rya televiziyo, kohereza amafaranga haba mu Rwanda no mu mahanga, byose bigakorwa hifashishijwe ikarita ya banki cyangwa Airtel Money.

Iyi porogaramu ya telefone ikumenya guhera ku munsi wa mbere ukiyikoresha, ibiri kuri nimero yawe ya telefone ibimenya uko biri kose ku buryo igihe ugiye kuyikoresha bitakugora.

Iyi porogaramu ibika ibyo wayikoreyeho bitewe n’icyo wishyuye cyangwa waguze, icyo wohereje n’ibindi, ku buryo iyo wongeye kugira icyo ukoraho wakoreyeho ubushize, ikwereka ibisigaye.

Urugero niba uguze megabytes zo gukoresha kuri internet, zishira uzireba ku buryo utajya mu ihurizo ryo kwisanga internet yashize.

Ni uburyo bukorwa mu kanya gato kurusha kubikorera kuri internet. Hari n’uburyo bwo kwiyoherereza inyemezabwishyu y’icyo umaze kugura ukoresheje iyo porogaramu.

Iyi porogaramu ya MyAirtel app ikomeje gushimwa na benshi batangiye kuyikoresha. Ntabwo ari ngombwa gukoresha ubundi buryo bwo kwishyura urenze telefone yawe, manura iyo porogaramu ubuzima bworohe.

‘My Airtel App’ ikora igihe cyose (amasaha 24 ku minsi 7), inafasha abayikoresha gukurikirana buri gihe ibibera kuri konti za bo za banki na Airtel Money bitabagoye na gato, ndetse ikaba idasaba kuba umuntu afite internet mu gihe ari kuyikoresha.

Umutekano w’iyi ‘Application’ wizewe ku rwego rwo hejuru kuko itemerera undi muntu kuba yakoresha imyirondoro yawe agamije kwiba amafaranga ufite kuri konti iyo ari yo yose, cyangwa gukora ikindi kintu cyabangamira umukiliya wa Airtel uyikoresha.

Akarusho kandi ni uko kugura ama-inite ukoresheje iyi porogaramu biguhesha uburenganzira bwo guhabwa inyongera ndetse koherereza undi muntu byo bikaguhesha inyongera ya 5% by’ama-inite yose wohereje.

Iyi porogaramu izorohereza abajyaga bagorwa no gufata mu mutwe za kode zitandukanye mu kugura cyangwa gukoresha serivise za Airtel, kuko buri kimwe cyose cyorohejwe muri ‘My Airtel App’ igisigarana.

Umuntu ukeneye gukoresha iyi porogaramu ajya muri ’Play Store’ kubakoresha telefoni za ’Android’ cyangwa ’App Store’ ku bakoresha iOS; ukandika mu ishakiro "My Airtel", hakaza ifite amagambo ya ’Airtel Africa’, ubundi ukayishyira muri telefone yawe nk’uko bikorwa ku zindi porogaramu.

Umaze kuyishyiramo, urayifungura, ukuzuzamo nomero yawe, ubundi ugakurikiza amabwiriza ajyanye n’ibyo bagusaba.

Gukoresha Porogaramu ya My Airtel app byorohereza uyikoresha kwishyura, kugura, kohereza n'ibindi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .