Twitter yatangiye kugerageza ‘Fleets’, uburyo bwo gusangiza inkuru zisiba nyuma y’amasaha 24

Yanditswe na Nkurunziza Ferdinand
Kuya 6 Werurwe 2020 saa 08:36
Yasuwe :
0 0

Urubuga nkoranyambaga rwa ‘Twitter’ rwatangije igerageza ryo kurunyuzaho inkuru cyangwa ubutumwa bw’amashusho n’inyandiko, bizajya byisiba nyuma y’amasaha 24, ku buryo nta muntu wundi uzajya abasha kubusangiza abandi cyangwa ngo agaragaze ko yabwishimiye.

Iri gerageza ryatangiriye muri Brésil kuri uyu wa gatatu, rikora mu buryo busa neza nka “Stories” ku zindi mbuga nkoranyambaga nka Snapchat cyangwa “Status” kuri WhatsApp.

Abinyujije ku rukuta rwe rwa Twitter, Umuyobozi ushinzwe ibicuruzwa muri Twitter, Kayvon Beykpour, yavuze ko bizera ko izo mpinduka zizafasha abantu gutambutsa ibitekerezo byabo mu gihe gito, bitabasabye kwandika kuri twitter mu buryo busanzwe bumenyerewe.

Ati "Izi ni impinduka zikomeye, twishimiye igitekerezo cyo gukora iri gerageza, tukareba uburyo abakiliya bacu babikoresha natwe tugakuramo isomo."

Iri gerageza rya ‘Fleets’ ryatangiriye muri Brésil gusa, risa cyane n’inkuru cyangwa amashusho mato mato ubusanzwe aba agizwe n’inyandiko, ifoto cyangwa video bigaragara mu masaha 24 gusa.

Ibi bisanzwe byarakozwe na Snapchat mu 2013, hanyuma bishyirwa ku mbuga zitandukanye nka Facebook, Instagram ndetse vuba aha byashyizwe kuri LinkedIn.

Ubu buryo bushya buzajya bugaragara gusa mu gihe umuntu akanze ahabugenewe (avatar), abandi bantu babe bagira icyo babuvugaho banyuze ku butumwa bwihariye bujya kuri nyirabwo gusa.

Fleets ikora nka Storie na Status ku zindi mbuga zirimo WhatsApp na Instagram

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .