Ubushakashatsi bwagaragaje uburyo bushya bwo kwica agakoko gatera igituntu

Yanditswe na Bukuru JC
Kuya 3 Mata 2020 saa 03:53
Yasuwe :
0 0

Abashakashatsi bagaragaje ko agakoko gatera igituntu kugira ngo kabeho, gakenera intungamubiri zizwi nk’ubutare (fer). Mu gihe hahagaritswe inzira ijyana ubutare aho agakoko kari, igituntu ntigishibora gukura ngo gishegeshe abantu.

Ibi byagaragaje uburyo bushya bushobora kwifashishwa n’abahanga mu gukora imiti y’igituntu no kugihashya kitarangiza abantu.

Abashakashatsi bagaragaje ko iyo agakoko gatera igituntu kabuze ubutare (fer) kadashobora gukura.

Igituntu giterwa n’agakoko kazwi nka Mycobacterium tuberculosis, kandi kaboneka kenshi mu mubiri w’umuntu.

Abashakashatsi bizeye ko ubushakashatsi bushya buzafasha mu gushaka umuti nyawo uhangana n’indwara y’igituntu.

Markus Seeger, umwarimu mu ishami ry’ubuvuzi muri Kaminuza ya Zurich (UZH), akaba no mu itsinda ryakoze ubushakashatsi yavuze ko basanze ako gakoko gatera igituntu iyo kageze mu mubiri gacura utundi turemangingo intungamubiri z’ubutare.

Seeger yavuze ko babashije guhagarika utunyangingo duto twitwa IrtAB dutwara ubutare tubujyana mu gakoko gatera igituntu, kadashobora gukura cyangwa kakaba kanapfa, bityo igituntu ntikizahaze abantu.

Ishami ry’Umuryango w’Abibumbye ryita ku Buzima (OMS), ryatangaje ko umwaka ushize abantu miliyoni 1.5 bishwe n’indwara zibasira ibihaha n’igituntu kirimo.

Hagaragajwe ko agakoko gatera igutuntu kabeshwaho n'ubutare, ko kabubuze katabasha kororoka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .