Munyaneza Didier arakoza imitwe y’intoki kuri Tour du Sénégal

Yanditswe na Eric Tony Ukurikiyimfura
Kuya 16 Ugushyingo 2019 saa 06:08
Yasuwe :
0 0

Umunyarwanda Munyaneza Didier ‘Mbappé’ wambaye umwambaro w’umuhondo muri Tour du Sénégal, ashobora kwegukana iri siganwa rizasozwa kuri iki Cyumweru hakinwa agace ka karindwi.

Muri iri siganwa riri kuba ku nshuro ya 18, u Rwanda ruhagarariwemo n’Ikipe ya Benediction Excel Energy.

Kuri uyu wa Gatandatu hakinwe agace ka gatandatu kabanziriza aka nyuma, aho abakinnyi bavuye i Louga berekeza i Thies ku ntera y’ibilometero 120.3.

Aka gace kegukanwe n’Umunya-Slovakie, Cully Jan Andrej wa Dukla Banská wakoresheje amasaha abiri, iminota 45 n’amasegonda 21, anganya ibihe na Peter Claus wa Embrace The World mu gihe Keller Herman yabaye uwa gatatu arushwa umunota umwe n’amasegonda atandatu.

Munyaneza Didier ‘Mbappé’, ni we Munyarwanda waje hafi muri aka gace kabanziriza aka nyuma, aba uwa gatanu na we asizwe umunota n’amasegonda atandatu na Cully wabaye uwa mbere.

Uyu musore w’imyaka 21 wambaye umwambaro w’umuhondo kuva ku wa Mbere, ni we ukomeje kuyobora urutonde rusange nyuma yo gukoresha amasaha 23, iminota 31 n’amasegonda 19, aho arusha amasegonda 15 Umudage Keller Herman ukinira Embrace the World.

Munyaneza ashobora kwegukana Tour du Sénégal izasozwa kuri iki Cyumweru ubwo hazaba hakinwa agace ka nyuma kazasorezwa mu Murwa Mukuru wa Dakar ku ntera y’ibilometero 120.

Tour du Sénégal y’uyu mwaka iri ku rwego rwa 2.2, yitabiriwe n’amakipe 11.

Mu ntangiriro z’uyu mwaka w’imikino 2019 nibwo Impuzamashyirahamwe y’Umukino wo gusiganwa ku Magare ku Isi ‘UCI’ yemeje Benediction Excel Energy Team nk’ikipe yo mu cyiciro cya gatatu cy’amakipe akina uyu mukino.

Benediction Excel Energy kuri ubu ya gatatu muri Afurika, yitabiriye Tour du Sénégal mu rwego rwo gushaka amanota ayifasha kuzamuka ku rutonde no kuzakina amarushanwa menshi mu mwaka utaha.

Munyaneza Didier ashobora kwegukana Tour du Sénégal kuri iki Cyumweru mu gihe yabasha kugumishamo amasegonda 15 arusha Keller Herman wa kabiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza