00:00:00 IGIHE NETWORK KN KINYARWANDA EN ENGLISH FR FRANCAIS

Gasogi United yakiriye Ravel Djoumekou nk’umukinnyi wayo mushya (Amafoto)

Yanditswe na Nsengiyumva Emmy
Kuya 11 August 2022 saa 09:49
Yasuwe :

Umunya-Cameroun Ravel Max Well Djoumekou ukina hagati mu kibuga wakinaga muri ‘Union Douala’ yo muri iki gihugu yageze i Kigali aho agiye gutangira urugendo rushya nk’umukinnyi wa Gasogi United.

Uyu mukinnyi ugiye gukinira Gasogi United yageze i Kigali mu ijoro ryo ku wa 10 Kanama 2022 yakirwa n’ushinzwe itangazamakuru muri iyi kipe, Kabera Fils.

Ravel Djoumekou w’imyaka 22 yavukiye ahitwa Fongo Tongo akaba umukinnyi ukina hagati asatira izamu ariko ashobora no gukina hagati yugarira.

Uyu musore utagaragaraho amakuru menshi yageze mu Ikipe ya ‘Union Douala’ muri Mutarama 2022, aha akaba yari avuye mu Ikipe ya UD Songo yo muri Mozambique, iyi nayo akaba yarayigezemo mu 2021 avuye muri Vilankulos na yo yo muri Mozambique.

Gasogi United kimwe n’andi makipe akomeye mu cyiciro cya mbere na yo iri kwiyubaka ishaka kuzatangira umwaka w’imikino wa 2022/2023 ihagaze bwuma.

Ubwo Ravel Djoumekou yari ageze i Kigali yakiriwe n'ushinzwe Itangazamakuru muri Gasogi United, Kabera Fils
Yabanje kumusobanurira muri make gahunda iri bukurikireho nyuma yo gukandagiza ikirenge mu Rwanda
Byashoboka ko yamubwiraga ati "Dore abanyamakuru hariya baragutegereje..."

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .