Jean Victor Mukama wa Patriots BBC yasinyiye ikipe yo muri Canada

Yanditswe na Eric Tony Ukurikiyimfura
Kuya 15 Mata 2020 saa 10:53
Yasuwe :
0 0

Umunyarwanda Jean-Victor Mukama wakiniraga Patriots BBC yo mu Rwanda, yamaze gusinyira Hamilton Honey Badgers yo muri Shampiyona ya Basketball y’ababigize umwuga muri Canada (CEBL).

Mukama Victor ni Umunyarwanda w’imyaka 26, wavukiye muri Canada, mu gace ka Hamilton (Ontario) ndetse mu mwaka ushize w’imikino yakiniraga Ryerson Rams.

Mu Ukuboza 2019 nibwo yasinyiye Patriots BBC yo mu Rwanda, ayifasha kwitwara neza mu ijonjora rya kabiri ryo gushaka itike y’irushanwa rya Basketball Africa League, ryabereye i Kigali muri uko kwezi.

Nyuma y’uko irushanwa nyir’izina ryagombaga gutangira mu kwezi gushize, rigasubikwa kubera icyorezo cya Coronavirus, mu cyumweru gishize, uyu mukinnyi yasinyiye Hamilton Honey Badgers yo muri Shampiyona cya Basketball y’ababigize umwuga muri Canada (CEBL).

Perezida wa Patriots BBC, Kirungi Brian, yabwiye IGIHE ko kuri ubu uyu mukinnyi yigengaga (nta kipe afite), ariko mu gihe irushanwa rya Basketball Africa League (BAL 2020) ryazatangizwa, biteguye kongera kumwitabaza.

Ati “Kugeza ubu yari free-agent (nta kipe afite) kuko BAL yahagaze. Hariya ni igihe gito yasinye, BAL nisubukurwa tuzamugarura.”

Mukama Jean-Victor yigeze kandi kugerageza amahirwe ye muri Raptors 905 yo muri NBA G League, mu Ukwakira 2019, ariko nta mukino yayikiniye.

Hamilton Honey Badgers yasinyiye, yashinzwe mu 2018, ikaba yakirira imikino yayo muri FirstOntario Centre ifite ubushobozi bwo kwakira abantu ibihumbi 17,383.

Mu mwaka ushize w’imikino, yabaye iya kabiri itsindiwe mu mikino ya nyuma ya Playoffs na Saskatchewan Rattlers.

Umunyarwanda Mukama Jean Victor yasinyiye Hamilton Honey Badgers yo muri Canada
Mukama yari muri Patriots BBC yabonye itike yo gukina BAL 2020
Patriots BBC ishobora kongera kwitabaza Mukama Victor ubwo irushanwa rya BAL rizatangizwa nyuma yo kwigizwa inyuma kubera Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .