00:00:00 IGIHE NETWORK KN KINYARWANDA EN ENGLISH FR FRANCAIS

Arsenal yasabye ko umukino wayo na Tottenham usubikwa

Yanditswe na Bukuru JC
Kuya 15 January 2022 saa 09:45
Yasuwe :

Ikipe ya Arsenal yasabye ko umukino w’umunsi wa 22 wa Premier League uzayihuza na Tottenham ku Cyumweru usubikwa kuko idafite abakinnyi bahagije.

Tottenham izakira uyu mukino ku Cyumweru saa kumi n’ebyiri n’igice.

Ku wa Gatanu, Arsenal yandikiye Premier League isaba ko umukino wasubikwa kuko ifite abakinnyi bake bitewe “n’imvune, ubwandu bwa COVID-19 n’abandi bakinnyi bitabiriye Igikombe cya Afurika cy’Ibihugu.”

Biteganyijwe ko ubusabe bwa Arsenal busuzumwa kuri uyu wa Gatandatu ndetse akaba ari bwo hatangazwa umwanzuro wa nyuma.

Mu bakinnyi Arsenal ibura harimo Cédric Soares, Bukayo Saka na Calum Chambers bose bavunikiye mu mukino ubanza wa ½ cya Carabao Cup yanganyijemo ubusa ku busa na Liverpool ku wa Kane.

Granit Xhaka ntiyemerewe gukina kubera ikarita itukura yaboneye i Anflied mu gihe Thomas Partey, Mohamed Elneny, Pierre-Emerick Aubameyang na Nicolas Pépé batakinnye uwo mukino kuko bari mu Gikombe cya Afurika naho Martin Ødegaard akaba arwaye.

Kugeza ubu, imikino 20 ni yo imaze gusubikwa muri Premier League bitewe na COVID-19. Uheruka ni uwari guhuza Burnley na Leicester City kuri uyu wa Gatandatu, wasubitswe ku wa Gatanu kubera ubwandu bwa COVID-19 n’imvune byibasiye iyi kipe yakirira kuri Turf Moor.

Amabwiriza ya Premier League avuga ko ikipe igomba gukina mu gihe ifite abakinnyi 13 n’umunyezamu umwe.

Arsenal yasabye ko umukino wayo na Tottenham usubikwa kuko ifite abakinnyi badahagije

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .