AS Kigali yatsindiwe muri Botswana mu mukino ubanza wa CAF Confederation Cup (Amafoto)

Yanditswe na Eric Tony Ukurikiyimfura
Kuya 29 Ugushyingo 2020 saa 09:53
Yasuwe :
0 0

AS Kigali ntiyahiriwe mu mukino ubanza w’ijonjora rya mbere rya CAF Confederation Cup, aho yatsinzwe na Orapa United yo muri Botswana ibitego 2-1 kuri iki Cyumweru.

Ikipe y’Umujyi wa Kigali yagizweho ingaruka no kuba hari abakinnyi bayo bane batakinnye uyu mukino barimo Karera Hassan, Orotamal Alex na Ishimwe Christian bagize ikibazo cy’ibyangombwa ku munota wa nyuma.

Orapa United yafunguye amazamu hakiri kare, ku gitego cyatsinzwe na Gofaone Mabaya n’umutwe ku munota wa 12, mu gihe Elias Mbatshi yatsinze icya kabiri ku munota wa 19.

Igitego kimwe rukumbi AS Kigali yatsindiye hanze, cyinjijwe n’Umunya-Nigeria Abubakar Lawal ku mupira wari uhinduwe na Rugirayabo Hassan wakinishijwe ibumoso nyuma yo kutaboneka kwa Ahoyikuye Jean Paul.

Biteganyijwe ko AS Kigali izahaguruka muri Botswana ku wa Kabiri, ikarara muri Ethiopia, aho izagera i Kigali ku wa Gatatu kugira ngo yitegure umukino wo kwishyura uzabera i Nyamirambo ku Cyumweru.

Ikipe izakomeza hagati ya AS Kigali na Orapa United, izahura na KCCA yo muri Uganda mu ijonjora rya kabiri rya CAF Confederation Cup.

Abakinnyi ba AS Kigali babanje mu kibuga
Ababanjemo ku ruhande rwa Orapa United
Orotomal Alex ntiyakinnye uyu mukino kubera ibyangombwa
Shaban Hussein Tchabalala akurikiye umupira
Rugirayabo Hassan yabanje mu kibuga akina ibumoso
Biramahire Abeddy ahanganiye umupira na myugariro wa Orapa United
Abubakar Lawal yakinnye umukino wa mbere w'irushanwa muri AS Kigali
Perezida wa AS Kigali, Shema Fabrice, yarebye uyu mukino
Shema Fabrice yageze muri Botswana kuri iki Cyumweru
Abubakar Lawal na Hakizimana Muhadjiri bishimira igitego cya AS Kigali
Umutoza Nshimiyimana Eric yitegereza uko abakinnyi be bitwara
Ishimwe Christian, Karera Hassan na Orotomal Alex barebeye umukino muri stade kubera ibyangombwa

Ubwo AS Kigali yageraga kuri Stade ya Botswana

Umutoza Eric Nshimiyimana
Myugariro w'iburyo, Rugirayabo Hassan
Kwizera Pierrot
Biramahire Abeddy
Umunyezamu Bate Shamiru
Abubakar Lawal

Amafoto: Umurerwa Delphin


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .