Liverpool iyoboye urutonde rw’amakipe 10 afite abakinnyi bahenze i Burayi

Yanditswe na Eric Tony Ukurikiyimfura
Kuya 17 Werurwe 2020 saa 08:32
Yasuwe :
0 0

Liverpool yo mu Bwongereza ni yo kipe ya mbere ifite abakinnyi bahenze ku isoko muri Shampiyona eshanu zikomeye ku mugabane w’u Burayi nk’uko bigaragazwa n’ubushakabashatsi bwakoze n’ikigo cya CIES Football Observatory.

Ku wa Mbere tariki ya 16 Werurwe 2020, iki kigo gifite icyicaro mu Busuwisi, cyagaragaje ko ikipe yose ya Liverpool ifite agaciro ka miliyari 1.4€, imbere ya Manchester City, nayo yo mu Bwongereza ifite abakinnyi bafite agaciro ka miliyari 1.36€.

Liverpool iri mu makipe akomeye kugeza ubu, aho ibura intsinzi ebyiri gusa kugira ngo yegukane Premier League nyuma y’imyaka 30.

Ikipe y’umutoza Jürgen Klopp ni yo yegukanye UEFA Champions League mu mwaka ushize, UEFA Super Cup ndetse n’igikombe cy’Isi cy’amakipe.

Andi makipe yo muri Premier League ari mu 10 ya mbere ni Chelsea FC ya gatanu, Manchester United ya gatandatu na Tottenham ya cyenda.

SC Paderborn 07 yo muri Bundesliga y’u Budage ni yo kipe ifite abakinnyi bahendutse ku isoko muri Shampiyona eshanu za mbere i Burayi n’agaciro ka miliyoni 33.7£.

Ikigo cya CIES cyavuze ko kuzamuka ku rutonde kwa Chelsea byatewe n’uko yongereyemo abakinnyi bakiri bato bafite impano nyuma yo gufatirwa ibihano byo kutagura abakinnyi na FIFA.

Kimwe mu byo iki kigo kigenderaho giha agaciro umukinnyi harimo imyaka ye, uko yitwara, umutungo w’ikipe akinira n’uko agaciro ke kagenda kazamuka cyangwa kakamanuka mu gihe runaka.

CIES yavuze ko kuri ubu umukinnyi ufite agaciro kari hejuru kurusha abandi ari Umufaransa Kylian Mbappé ukinira Paris Saint-Germain. Uyu mukinnyi w’imyaka 21, afite agaciro ko kuba yagurwa asaga miliyoni 227£.

Amakipe 10 ya mbere afite abakinnyi bahenze i Burayi (amafaranga abazwe mu mayero (€))

  1. Liverpool (U Bwongereza) 1,405
  2. Manchester City (U Bwongereza) 1,361
  3. FC Barcelona (Espagne) 1,170
  4. Real Madrid (Espagne) 1,100
  5. Chelsea (U Bwongereza) 1,008
  6. Manchester United (U Bwongereza) 1,007
  7. Paris St-Germain (U Bufaransa) 979
  8. Atlético Madrid (Espagne) 836
  9. Tottenham (U Bwongereza) 787
  10. Juventus (U Butaliyani) 783
Liverpool ni yo kipe ifite abakinnyi barusha abandi agaciro ku isoko muri Shampiyona eshanu zikomeye i Burayi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .