Michael Sarpong yerekeje mu Bushinwa

Yanditswe na Eric Tony Ukurikiyimfura
Kuya 3 Mutarama 2020 saa 08:53
Yasuwe :
0 0

Rutahizamu wa Rayon Sports, Michael Sarpong, yerekeje mu Bushinwa kuri uyu wa Kane, aho yifuzwa n’ikipe ya Changchun Yatai Fc yo mu cyiciro cya kabiri muri Shampiyona y’iki gihugu cyo ku mugabane wa Aziya.

Mu minsi ishize nibwo Rayo Sports yatangaje ko iri mu biganiro n’iyi kipe yifuzaga gutanga ibihumbi $650 kuri Michael Sarpong.

Kuri uyu wa Kane nibwo uyu rutahizamu w’imyaka 23 ukomoka muri Ghana yafashe indege, yerekeza mu Bushinwa gukora isuzuma ry’ubuzima nk’uko IGIHE yabitangarijwe n’Umuvugizi wa Rayon Sports, Nkurunziza Jean Paul.

Ati ‘’Ni byo Michael Sarpong yagiye mu Bushinwa. Ikipe twamaze kumvikana, agiye gukora isuzuma ubundi abe yayikinira.’’

Nkurunziza yabwiye IGIHE ko Rayon Sports izahabwa $150 000, ni ukuvuga abarirwa muri miliyoni 140 Frw ku igurwa ry’uyu rutahizamu.

Michael Sarpong yageze muri Rayon Sports muri Nzeli 2018 avuye muri Dreams FC yo muri Ghana.

Mu mwaka ushize w’imikino, yatsinze ibitego 16 muri Shampiyona y’u Rwanda mu gihe igice cy’imikino ibanza ya Shampiyona y’uyu mwaka w’imikino wa 2019/20, cyarangiye afite ibitego bitandatu.

Abaye umukinnyi wa kabiri wa Rayon Sports werekeje mu Bushinwa nyuma y’Umurundi Jules Ulimwengu bakinanaga mu mwaka ushize w’imikino.

Inkuru bijyanye: Byinshi wamenya kuri Michel Sarpong.

Rutahizamu wa Rayon Sports, Michael Sarpong yerekeje mu Bushinwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .