Stade ya Napoli yitiriwe Diego Maradona witabye Imana

Yanditswe na IGIHE
Kuya 5 Ukuboza 2020 saa 11:00
Yasuwe :
0 0

Stade ya Napoli yo mu Butaliyani yitiriwe umunyabigwi wayo uherutse kwitaba Imana, Diego Maradona, wayisheje shampiyona ebyiri za Serie A hagati ya 1987 na 1990.

Umunya-Argentine Diego Maradona yitabye Imana ku wa 25 Ugushyingo, afite imyaka 60, nyuma yo guhagarara k’umutima.

Ku wa Gatanu, ikipe ya Napoli yo mu Butaliyani yemeje ko stade yayo ya San Paolo yahindutse Stadio Diego Armando Maradona.

Nyiri Napoli, Aurelio de Laurentiis, yasabye ko izina rya stade ryahindurwa nyuma y’urupfu rwa Maradona ndetse abarimo Meya wa Naples, Ligui de Magistris, bashyigikiye ubu busabe.

Maradona yakiniye Napoli imyaka irindwi nyuma yo kuyigeramo mu 1984, avuye muri FC Barcelone. Yayihesheje ibikombe birimo Coppa Italia mu 1987 ndetse na UEFA Cup mu 1989.

Ubwo Maradona yitabaga Imana, abafana benshi bahuriye kuri Stade ya Napoli baramwunamira mu gihe ku mukino wa Europa League wabaye muri icyo cyumweru, abakinnyi ba Napoli bose bambaye imyambaro ya nimero 10 n’izina Maradona mu mugongo.

Maradona yakiniye Napoli imikino 188, ikaba ari yo kipe yakiniye imikino myinshi kurusha izindi, aho yayitsindiye ibitego 81.

Yakiniye Argentine mu bikombe by’Isi bine ndetse yari kapiteni ubwo iki gihugu cyegukanaga igikombe cyo mu 1986 muri Mexique.

Stade San Paolo ya Napoli yahindutse Stadio Diego Armando Maradona
Maradona yakiniye Napoli imyaka irindwi ubwo yari avuye muri FC Barcelone
Ku mukino wa Europa League wabahuje na HNK Rijeka, abakinnyi ba Napoli bambaye imyenda yanditseho Maradona

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .