Umuganga w’ikipe yo mu Bufaransa yiyahuye nyuma yo gusanga yaranduye Coronavirus

Yanditswe na Eric Tony Ukurikiyimfura
Kuya 6 Mata 2020 saa 11:07
Yasuwe :
0 0

Bernard Gonzalez wari umuganga w’ikipe ya Stade de Reims yo mu cyiciro cya mbere mu Bufaransa, yapfuye ku Cyumweru tariki ya 5 Mata 2020 yiyahuye.

Uyu muganga wari ufite imyaka 60, bivugwa ko yiyahuye nyuma yo gusanga arwaye Coronavirus.

Le Parsien yatangaje iyi nkuru, yongeyeho ko n’umufasha w’uyu muganga yanduye Coronavirus ndetse yasize ibaruwa isobanura impamvu yafashe icyo cyemezo n’aho bihuriye na Coronavirus.

Meya w’Umujyi wa Reims, Arnaud Robinet, yavuze ko Bernard Gonzalez yari amaze iminsi ari mu kato.

Ati “Birasa n’aho yari yazahajwe na COVID-19 kuko yari yaranduye ndetse yari amaze iminsi mu kato. Namenye ko yasize ibaruwa isobanura impamvu yabikoze, ariko sinzi ibiyikubiyemo.”

Perezida w’ikipe ya Reims, Jean Pierre Caillo, na we yavuze ko babajwe n’urupfu rw’uyu wari umuganga w’ikipe.

Ati “Ntabyo kuvuga nabona. Iki cyorezo cyibasiye Isi cyakomerekeje Reims mu mutima kandi twatakaje umuntu w’ingenzi wari umunyamwuga. Byatubabaje.”

Ikipe ya Reims yashyize ubutumwa ku rubuga rwa Twitter bugaragaza akababaro yatewe no kubura uwari umuganga wayo.

Coronavirus ikomeje kwibasira u Bufaransa, aho imibare yo ku wa 6 Mata, igaragaza ko abasaga ibihumbi 92 muri icyo gihugu bamaze kuyandura mu gihe abapfuye basaga ibihumbi umunani.

Bernard Gonzalez wari umuganga w’ikipe ya Stade de Reims mu Bufaransa, yiyahuye nyuma yo gusanga arwaye Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .