Yasize urwibutso rutazasibangana: Ibyaranze ubuzima bwa Diego Maradona mu mafoto

Yanditswe na IGIHE
Kuya 28 Ugushyingo 2020 saa 02:21
Yasuwe :
0 0

Umunya-Argentine wabaye icyamamare mu mupira w’amaguru ku Isi, Diego Armando Maradona, yitabye Imana ku wa 25 Ugushyingo 2020 azize guhagarara k’umutima.

Maradona wapfuye amaze ibyumweru bibiri asezerewe mu bitaro, yashyinguwe ku wa Kane, tariki ya 26 Ugushyingo 2020 mu irimbi ryihariye rya Bella Vista riri mu Mujyi wa Buenos Aires, ahashyinguye ababyeyi be.

Abafana batari bake bakoraniye mu mihanda yo hafi y’ingoro ya Perezida wa Argentine ya Casa Rosada muri Buenos Aires, basezera kuri uyu mugabo wari ufite imyaka 60.

Nyuma y’urupfu rwa Maradona, Perezida Alberto Fernandez yatanze ikiruhuko cy’iminsi itatu mu gihugu mu rwego rwo kunamira uyu mugabo wahesheje igihugu cye Igikombe cy’Isi mu 1986.

Mu byumweru bibiri bishize, Maradona yari yabazwe mu mutwe nyuma yo kubura amaraso mu mitsi yo mu bwonko.

Amakuru avuga ko umwishya we, Jonatan Espósito, ari we muntu wa nyuma wamubonye ku wa Kabiri akiri muzima.

Bivugwa ko ahagana saa Tanu n’iminota 30 za mu gitondo ari bwo umuganga Carlos Díaz na Agustina Cosachov wakurikiranaga Maradona byihariye, basanze atanyeganyega, basaba umwishya we kumukangura.

Mu bihumbi by’abafana bamusezeyeho harimo abakobwa be, Dalma w’imyaka 33 na Giannina w’imyaka 31yabyaranye n’uwahoze ari umugore we, Claudia Villafane, bose bagaragaye barira ubwo yashyingurwaga.

Diego Armando Maradona azahora mu ntekerezo z’abakunzi b’umupira w’amaguru; afatwa nk’umwe mu bami ba ruhago ku Isi, wafashije Argentine kwegukana Igikombe cy’Isi mu mwa 1986. Ni nawo mwaka yatsinzemo igiteko cyasezereye u Bwongereza akoresheje ukuboko, bituma bacyita “Ikiganza cy’Imana” cyangwa ’Hand of God’ mu Cyongereza.

Yakiniye amakipe arimo Boca Juniors, Napoli na Barcelona, akundwa n’abantu benshi kubera ubuhanga bwaranze imyaka ye nk’umukinnyi, nubwo atahiriwe mu butoza. Mu gihe cye ariko yakunze no kurangwa n’imyitwarire itarakunze kuvugwaho rumwe.

Uko umuhango wo gusezera bwa nyuma kuri Maradona wagenze

Abaturage benshi bari bahuriye hafi y'irimbi rya Bella Vista
Diego Maradona Dalma 33 na Giannina 31 baririra umubyeyi wabo
Ifoto yafatiwe hejuru ku irimbi rya Jardin Bella Vista
Imihanda yari yuzuye imodoka n'abantu bashakaga gusezera bwa nyuma kuri Diego Maradona
Imva ya Maradona ijyanwa ku irimbi rya Jardin Bella Vista n'abo mu muryango we
Isanduku yarimo umurambo wa Maradona yatwikirijwe ibendera rya Argentine
Perezida wa Argentine Alberto Fernandez n'umufasha we Fabiola Yanez bunamira Diego Maradona
Ubwo umurambo wa Maradona wakurwaga ahakorerwa na Perezida wa Argentine
Umutekano wari wose ku ngoro ya Perezida wa Argentine

Andi mafoto yaranze ubuzima bwa Maradona

Maradona akina n'abavandimwe be bakiri bato
Maradona yakuriye muri Villa Fiorito in Buenos Aires
Maradona yakundaga kumva umuziki mu kubyiruka kwe
Maradona akiri muto mu myaka ya 1970
Maradona yafashije Argentine gutwara igikombe cy'Isi cy'abato mu 1979 mu Buyapani
Maradona ku mukino wahuje Ecosse na Argentine mu 1979
Maradona yakinnye umukino wa mbere mu Gikombe cy'Isi mu 1982 muri Espagne bahura na Bresil
Maradona mbere y'umukino wa nyuma w'Igikombe cy'Isi cyo mu 1986
Ubwo Fidel Castro wayoboye Cuba, yakiraga Maradona
Maradona aganira n'uwari Perezida wa Cuba Fidel Castro mu 2000
Igitego Maradona yatsinze u Bwongereza mu Gikombe cy'Isi cyo mu 1986 cyatowe nk'iki kinyejana nyuma y'uko yacenze hafi abakinnyi batandatu
Igitego yatsindishije ukuboko akaroba umunyezamu Peter Shilton mu 1986 cyamugize umunyabigwi
Mu 1990, u Budage bw'u Burengerazuba bwihimuye kuri Argentine, buyitsinda igitego 1-0 ku mukino wa nyuma
Umufotozi Maartje Blijdestein asaba Maradona kumusinyira ubwo bari mu Buholandi mu 2005
Maradona aganira na Lionel Messi ubwo yatozaga Argentine
Maradona akinirwa nabi mu mukino wahuje Argentine n'u Budage bw'Uburengerazuba i Buenos Aires
Maradona anywa isigara muri Havana Cuba mu 2000
Maradona apepera abafana ku mukino wa nyuma yakiniyemo Boca Juniors mu 2001
Maradona asohoka mu rukiko nyuma yo gushinjwa kurasa abanyamakuru akanabakomeretsa muri Werurwe 1994
Maradona ateruwe n'abafana mu 1981 nyuma yo gutwarana Shampiyona na Boca Juniors kuri La Bombonera Stadium muri Buenos Aires
Maradona atsinda u Bwongereza igitego cya kabiri mu Gikombe cy'Isi
Maradona atwara umupira ku mutwe mu myitozo y'Igikombe cy'Isi mu 1986
Maradona ava kuri HerzogsPark Hotel mu 2006 mu Gikombe cy'Isi
Maradona i Kolkata mu Buhinde mu 2008
Maradona imbere ya ba myugariro b'u Bubiligi mu Gikombe cy'Isi cyo mu 1982 muri Espagne
Maradona ku mukino wa Boca Juniors na Nueva Chicago mu 2004
Maradona ku mukino wa Soccer Aid Charity wabereye kuri Old Trafford mu 2006
Armando Maradona mu myitozo yabereye i Seoul muri Koreya y'Epfo mu 1995
Maradona n'umukobwa we Dalma bishimira intsinzi ya Boca Juniors muri Werurwe 2006
Maradona n'uwahoze ari umugore we Claudia Villafane basohoka mu rukiko mu 2008 ubwo bari bagiye kumva urubanza rw'uwahoze ari umutoza Guillermo Coppola
Maradona na Fernando Redondo bishimira igitego yatsinze u Bigiriki mu Gikombe cy'Isi cyo mu 1994
Maradona ubwo yakiniraga Napoli muri Shampiyona mu 1986
Maradona ubwo yari amaze gucenga Terry Butcher na Terry Fenwick mu Gikombe cy'Isi cyo mu 1986
Maradona ubwo yifotozaga mu birori yari yatumiwemo mu Bugereki mu 2008
Maradona watozaga Argentine yishimiwe n'abana bo ku ishuri rya Kgotlelelang muri Afurika y'Epfo muri Mutarama 2010
Maradona yashyingiranywe na Claudia Villafae mu 1989 i Buenos Aires
Maradona yatoje Argentine mu Gikombe cy'Isi mu 2010
Maradona yereka Abashinwa ubuhange bwe i Beijing mu 1996
Maradona yishimira igitego yatsinze u Bwongereza mu Gikombe cy'Isi cyo mu 1986
Maradona yishimira penaliti yatsinze ubwo Argentine yasezereraga u Butaliyani mu 1990
Mu 1990, Maradona yararize ubwo Argentine yari imaze gutsindirwa ku mukino wa nyuma w'Igikombe cy'Isi
Mu 1991, Maradona yafatanywe ibiyobyabwenge ajyanwa kuri sitasiyo ya Polisi
Mu 1994, Maradona yasanzwemo imiti yongera ingufu akurwa mu gikombe cy'Isi na FIFA
Mu 1998, Armando Maradona yatowe nk'umukinnyi w'umwaka muri Argentine
Mu 2005, Maradona yahuye na Hugo Rafael Chávez Frías wayoboraga Venezuela
Mu 2006 mu gihe cy'Igikombe cy'Isi, Maradona yitabajwe nk'umusesenguzi
Ni nde mukinnyi w'bihe byose muri abo? Maradona cyangwa Pele?
Nyuma yo gusezera ruhago ubuzima bwa Maradona bwagiye mu kaga kubera inzoga n'ibiyobyabwenge
Ubwo Maradona yajyaga gukina mu Butaliyani mu 1984 yatwaranye na Napoli ibikombe bibiri
Ubwo Maradona yerekanwaga muri Napoli yo mu Butaliyani yagiriyemo ibihe byiza
Maradona yishimira Shampiyona yatwaranye na Napoli mu 1987
Yafashije Argentine gutsinda Ubudage bw'Ubwurengerazuba ibitego 3-2 ku mukino wa nyuma muri Mexique
Maradona yishimira igitego Gabriel Heinze yatsinze Nigeria mu Gikombe cy'Isi cya 2010
Papa Francis yakiraga Maradona i Vatican mu 2016
Maradona ubwo yari ashyigikiye igihugu cye mu Gikombe cy'Isi cya 2018 ubwo cyakinaga na Nigeria
Maradona yifotozanya na Dr Leopoldo Luque ku wa 11 Ugushyingo 2020
Ubwo yageraga mu myaka 60 ubuzima bwe bwarushijeho kuba bubi
Ifoto ya nyuma Maradona yafashe ari kumwe n'umuhungu we w'imyaka irindwi Diego Fernando yabyaranye na Veronica Ojeda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .