Ikipe y’igihugu ya Botswana mu makipe azitabira irushanwa rya Volleyball ryateguwe na UTB

Yanditswe na Eric Tony Ukurikiyimfura
Kuya 13 Ukuboza 2019 saa 06:11
Yasuwe :
0 0

Amakipe icyenda y’abagore arimo iy’Igihugu ya Botswana ni yo amaze kwemeza ko azitabira irushanwa ribanziriza Shampiyona ryateguwe na UTB, rizaba tariki ya 21 na 22 Ukuboza 2019 kuri Stade Amahoro.

Ikipe y’Igihugu ya Botswana iri kwitegura imikino y’akarere ka gatandatu (Zone VI), yasabye ko yakwitabira iri rushanwa.

Ni ku nshuro ya kabiri iri rushanwa rigiye kuba, aho ryatangiye gutegurwa na Kaminuza ya UTB mu mwaka ushize, ndetse akaba ari yo yegukanye Shampiyona y’umwaka ushize w’imikino mu bagore.

Umuyobozi ushinzwe ubuzima bwa buri munsi bw’ikipe ya UTB VC, Mucyo Philbert, yabwiye IGIHE ko ‘’bamaze kubona umuterankunga w’iri rushanwa ndetse bagishaka n’undi kugira ngo rizagende neza kurushaho.’’

Mu makipe yamaze kwemeza ko azitabira irushanwa ry’uyu mwaka, harimo RRA VC yabaye iya kabiri muri Shampiyona.

Hari kandi ikipe ya Botswana, UTB, APR, IPRC-Kigali, IPRC-South, St Aloys Rwamagana, KVC na Ruhango.

Ubwo iri rushanwa ryabaga ku nshuro ya mbere mu mwaka ushize, ryegukanywe na UTB yatsinze RRA amaseti 3-0 (14-25, 22-25 na 22-25).

UTB VC irashaka kwisubiza iri rushanwa itegura mu rwego rwo kwitabira Shampiyona
RRA VC yatsinzwe na UTB ku mukino wa nyuma mu mwaka ushize
KVC ni imwe mu makipe azitabira iri rushanwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza