00:00:00 IGIHE NETWORK KN KINYARWANDA EN ENGLISH FR FRANCAIS

Nsengiyumva yagizwe umutoza w’Ikipe y’Igihugu ya Sitting Volleyball

Yanditswe na Eric Tony Ukurikiyimfura
Kuya 23 Gashyantare 2021 saa 02:59
Yasuwe :
0 0

Ishyirahamwe Nyarwanda ry’imikino y’abafite ubumuga (NPC) ryemeje Nsengiyumva Jean Marie Vianney nk’umutoza mukuru w’Ikipe y’Igihugu y’Abagore ya Sitting Volleyball izitabira Imikino Paralempike ya 2020 izabera i Tokyo mu mpeshyi ya 2021.

NPC Rwanda yafashe iki cyemezo nyuma y’uko Umunya-Misiri Mossad Rashad watozaga u Rwanda kuva mu 2019, yasabwe n’igihugu cye gusubira iwabo.

Umuyobozi wayo, Murema Jean Baptiste, yagize ati “Nyuma y’uko aduhesheje itike, igihugu cye cyamusabye gusubirayo, bamubwira ko yabatereranye. Byahuriranye n’uko nta masezerano twari dufitanye, ayabonye iwabo aradusezera.”

Nsengiyumva Jean Marie Vianney ni umwe mu batoza bamenyerewe mu mikino y’abafite ubumuga dore ko yatozaga ku rwego rw’Igihugu kuva mu 2010. Yari asanzwe yungirije Dr Mossad Rashad.

Gakwaya Eric yagizwe umutoza wungirije Nsengiyumva naho Mukeshimana Joy Happiness agirwa ushinzwe ubuzima bwa buri munsi bw’ikipe (Team Manager).

U Rwanda ruzahagararira Afurika mu Mikino Paralempike ya 2020 izabera i Tokyo mu Buyapani hagati ya tariki ya 24 Kanama n’iya 5 Nzeri 2021.

Uretse Ikipe y’Igihugu ya Sitting Volleyball, abandi bazitabira iyi mikino ni Hermas Muvunyi usiganwa ku maguru na Uwitije Claudine urushanwa mu gutera intosho.

Umunya-Misiri Mossad Rashad Elaiuty watozaga ikipe y'u Rwanda ya Sitting Volleyball yasubiye iwabo
Nsengiyumva Jean Marie Vianney yagizwe umutoza mukuru w'Ikipe y'Igihugu y'Abagore izitabira Imikino Paralempike i Tokyo
Mukeshimana Joy Happiness yagizwe Team Manager

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .