Abafana ba Chelsea biteguye kwifatanya na Didier Drogba muri Kigali Night Run

Yanditswe na Nsengiyumva Emmy
Kuya 9 Ukwakira 2019 saa 07:17
Yasuwe :
0 0

Abanyarwanda bahuriye ku gufana ikipe ya Chelsea yo mu Bwongereza (Chelsea FC Kigali Official Supporters) biteguye guha ikaze Didier Drogba mu mujyi wa Kigali bakifatanya nawe mu gikorwa cya Kigali Night Run.

Didier Drogba ni umukinnyi ufite ibigwi bikomeye mu ikipe ya Chelsea kuko yayifashije gutsindira ibikombe bitandukanye mu gihe yayimazemo.

Uyu ategerejwe mu Rwanda kuko kuri uyu wa Kabiri azitabira inama ya Youth Connekt, y’iminsi ibiri iri kubera i Kigali.

Aba bafana biteguye kwifatanya na Didier Drogba muri Kigali Night Run nk’uko Kalisa Fidèle, umuyobozi wabo mu Rwanda, yabyemereye IGIHE.

Aba bafana bari biteguye kujya kwakira Didier Drogba ku kibuga cy’indege icyakora ntibyabakundira.

Gahunda y’aba bafana ni uko bazahurira mu mujyi wa Kigali saa kumi n’imwe z’umugoroba kuri uyu wa Kane tariki 10 Ukwakira 2019, bagahagurukira rimwe berekeza kuri Kigali Convention Center aho bazasanga uyu mukinnyi wahoze akinira ikipe yabo bakifatanya muri Kigali Night Run.

Abafana ba Chelsea ni ihuriro ryamaze kwandikwa mu Bwongereza mu mahuriro yemewe y’iyi kipe, rikaba rikora ibikorwa bitandukanye by’ubugiraneza no gufasha abatishoboye, bakanakora siporo cyane ko banafite ikipe y’umupira w’amaguru ijya inahangana n’andi makipe y’abafana.

Didier Drogba ubu usigaye ari Ambasaderi w’ishami ry’umuryango w’abibumbye ritsura amajyambere (UNDP), yatumiwe mu Rwanda n’abategura YouthConnekt, akaba n’umwe mu bazatanga ibiganiro muri iri huriro ry’urubyiruko rurenga ibihumbi 10 baturutse hirya no hino muri Afurika.

Chelsea ifite abafana bemewe n'ikipe
Didier Drogba yatumiwe muri Youth Connekt Africa Summit 2019

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza