Bill Ruzima yashyize hanze umuzingo w’indirimbo ziha icyizere abantu

Yanditswe na Uwiduhaye Theos
Kuya 9 Mutarama 2021 saa 10:51
Yasuwe :
0 0

Bill Ruzima, umwe mu bahanga umuziki w’u Rwanda ufite wanabyigiye cyane ko ari mu banyuze mu Ishuri rya Muzika rya Nyundo, yashyize hanze EP (Extended Play) y’indirimbo zirindwi, igamije kuremamo abantu agatima k’icyizere.

Iyi EP y’uyu musore yayise “HelloMe” yavuze ko ari umuzingo yakoze agamije kongera kuremamo abantu icyizere.

Yagize ati “Ni umuzingo muto w’indirimbo zirindwi nakoze ngamije kongera gutanga ubutumwa bwo kuremamo abantu icyizere no kubakundisha bo ubwabo. Kenshi usanga abantu ducika intege mu byo dukora, tukazicibwa n’abantu bagenzi bacu rimwe na rimwe bifashishije imigaragarire, imyemerere n’imiterere yacu itandukanye, bakabicengereraho baca intege umuntu.”

Yakomeje ati “Ni igihe cyiza ngo tubanze twirebeho tunikunde cyane mbere y’uko abandi babikora bizadufasha kugera kuri byinshi mu budasa.”

Iyi EP iriho abahanzi batanu aribo Ariel Wayz , The Major wo muri Symphony Band, King Pol, Mirasano Kenny na Yuhi Mic.

Bill Ruzima yize amasomo ajyanye na muzika mu Ishuri ry’Umuziki ryo ku Nyundo, ubu ryimukiye i Muhanga.

Uyu musore wari muri batatu bagize Itsinda rya Yemba Voice, ryasenyutse, agatangira umuziki ku giti cye mu ntangiriro za 2019 ndetse ahita anashyira hanze indirimbo ye ya mbere.

Yemba Voice yahozemo ni itsinda ry’abaririmbyi ryari ryaratangiye mu 2016. Abasore batatu bari barigize bose baherutse gusoza amasomo.

Bill Ruzima avuga ko yakoze uyu muzingo w'indirimbo agamije kuremamo icyizere abantu
Bill Ruzima ni umwe mu banyempano bize umuziki ku Nyundo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .