Kera kabaye abahanzi batwaye Salax Awards bashyikirijwe amafaranga yabo

Yanditswe na Nsengiyumva Emmy
Kuya 17 Ukwakira 2019 saa 05:43
Yasuwe :
0 0

Muri Werurwe 2019 nibwo hatanzwe ibihembo bya Salax Awards gusa amafaranga aherekeza ibihembo yo bayashyikirijwe kuri uyu wa Kane tariki 17 Ukwakira 2019.

Salax Awards yabaye ku nshuro ya karindwi ijya gutangira hari hateganyijwe guhembwa abahanzi bo mu byiciro bitandatu, nyuma abayitegura biyemeje kubizamura bagahemba icumi.

Kuzamuka k’umubare w’ibyiciro kwatumye amafaranga bagombaga guhabwa ugabanuka. Buri muhanzi yari guhabwa 1 000 000 Frw gusa nyuma yahise agabanywa agera kuri 700 000 Frw.

Aya mafaranga nayo ntiyahise aboneka bitewe n’impamvu zitandukanye. Abahanzi bakomeje kwijujutira kutayahabwa ku gihe. Kenshi bamwe bakunze kwitiranya gutinda kwishyurwa no kwamburwa bituma bagaragaza kutishimira uburyo amafaranga yabo yatinze.

Nyuma y’igihe kinini n’ibiganiro binyuranye abahanzi batsinze muri Salax Awards7 bashyikirijwe amafaranga yabo kuri uyu wa Kane tariki 17 Ukwakira 2019 nk’uko amakuru agera ku IGIHE abihamya.

Ahmed Pacifique uhagarariye AHUPA itegura ibi bihembo yahamije aya makuru avuga ko abahanzi benshi bamaze gushyikirizwa amafaranga yabo ndetse n’abasigaye bakaba ari uko bataraboneka ariko amafaranga yabo ahari.

Uko ibihembo byatanzwe

Umuhanzi witwaye neza w’igitsina gore [Best Female Artist]: Queen Cha

Umuhanzi witwaye neza muri Gospel [Best Gospel Artist]: Israel Mbonyi

Umuhanzi ukizamuka [Best Upcoming Artist]: Yvan Buravan

Umuhanzi mwiza mu njyana gakondo: Man Martin

Itsinda ryitwaye neza [Best Music Group]: Active

Umuhanzi witwaye neza mu njyana ya RnB [Best RnB Singer]: Bruce Melodie

Umuhanzi witwaye neza mu njyana na Afrobeat [Best Afro beat Artist]: Uncle Austin

Umuhanzi witwaye neza mu njyana ya Hip Hop [Best Hip Hop Artist]: Riderman

Umuhanzi witwaye neza w’umugabo [Best Male Artist]: Bruce Melodie

Umuhanzi wahize abandi [Best Artist]: Bruce Melodie

Active yahembwe nk'itsinda ry'umwaka
Yvan Buravan yahawe igihembo cy'umuhanzi ukizamuka
bruce Melodie niwe wahawe menshi kuko yegukanye ibikombe bitatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza