Fireman yongeye gufungwa akekwaho kunywa ibiyobyabwenge

Yanditswe na IGIHE
Kuya 20 Kanama 2018 saa 08:35
Yasuwe :
0 0

Uwimana Francis [Fireman], umwe mu baraperi bahoze bafite imbaraga mu muziki mu Rwanda yongeye gutabwa muri yombi akurikiranyweho kunywa ibiyobyabwenge ari nacyo yari aherutse gufungirwa.

Fireman yaherukaga gufungwa muri Kamena 2018, yafunzwe bwa mbere akurikiranyweho gukoresha ibiyobyabwenge. Icyo gihe yamaze iminsi irenga 20 agororerwa muri Transit Center y’i Gikondo ahazwi nko ‘Kwa Kabuga’.

Nyuma yo gufungurwa ntiyigeze asohora indirimbo ndetse kuva uyu mwaka watangira Fireman n’umuziki we barasinziriye. Mu mpera z’icyumweru dusoje, Fireman yongeye gufatwa asubizwa kwa Kabuga, umwe mu baraperi b’inshuti ze yabwiye IGIHE ko “Nanone bamufasha kubera ibiyobyabwenge”.

Uyu muhanzi uri mu nshuti za hafi za Fireman yakomeje avuga ko “Yafashwe ku wa Gatandatu[tariki ya 18 Kanama], ajyanwa i Gikondo aho yafungiwe bwa mbere. Icyo akurikiranyweho ni ibiyobyabwenge ari nacyo ubushize bari bamujyaniye, ntabwo

Muri Nyakanga 2018, Fireman yari yabwiye IGIHE ko nyuma yo kuva muri Transit Center ya Gikondo ko “igikurikiyeho ari uguha abafana umuziki”. Ntiyavuze byeruye ku cyaha yari yafungiwe gusa mu kubisobanura yari yavuze ngo “Ni ibintu biri aho, nari ndi hano hafi ariko nagarutse.”

Yongeyeho ati “Nari maze iminsi myinshi ntahari ariko ubu nagarutse kandi ngiye kongera kwiyereka abafana, hari ibikorwa bishya mfite, hari indirimbo nandikiye hariya nari ndi, muri make mfite byinshi bishya, nta gusubira inyuma.”

Fireman afunzwe mu gihe hari hashize igihe gito abahoze bagize Tuff Gang batangiye kwisuganya ngo bongere bubure ubufatanye bakore umuziki nk’uko byahoze hambere.

Fireman yari amaze igihe asa n'uwavuye mu muziki, nta gihangano gishya, ndetse na we ubwe ntagaragara

Ubu ari mu gihome mu gihe na mugenzi we Jay Polly amazemo hafi ibyumweru bibiri akurikiranyweho “gukubita no gukomeretsa mu buryo bubabaje umugore we Sharifa”.

Fireman yarakunzwe cyane mu myaka itandatu ishize; yabanje kuririmba ku giti cye nyuma yinjira muri Tuff Gang, ubwo yari itangiye gusenyuka ajya mu yahoze yitwa Bridge Records ahava ajya muri Super level, nyuma yo gusenyuka kw’iyi studio nibwo Fireman yatangiye kubura buhoro buhoro kugeza ubwo yacecetse burundu.

Fireman amaze iminsi akurikiranyweho ibyo gukoresha ibiyobyabwenge

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .