Ibyo wamenya kuri Mico Cedric wiyise Ice Cold, umuraperi w’imyaka 19 winjiye mu muziki

Yanditswe na IGIHE
Kuya 14 Nzeri 2020 saa 11:31
Yasuwe :
0 0

Abana bakiri bato barota inzozi zitandukanye, abafite impano zikomeye birangira bagerageje kuzigaragaza, byabahira zikanabatunga. Mico Cedric umusore w’imyaka 19 gusa ukora injyana ya Hip Hop yamaze kwinjira mu muziki ku izina rya Ice Cold.

Indirimbo ya mbere uyu muhanzi yasohoye yayise “Gas Pedal”.

Ice Cold wavukiye akanakurira mu karere ka Musanze, yabwiye IGIHE ko yatangiye kuririmba akiri muto ariko atari yakabonye ubushobozi bwo kujya muri studio.

Ageze mu mashuri yisumbuye nibwo nibwo yatangiye kujya akora Free style, kugeza ubwo uyu mwaka asohoye indirimbo ye ya mbere.

Avuga impamvu yahisemo gukora injyana ya Hip Hop, Ice Cold yagize ati” Hip Hop nayihisemo kuko aribwo buryo nasanze nasangizamo abantu ibitekerezo byanjye. Nkabaha ubutumwa bw’ibyo mbona umunsi ku wundi.”

Avuga ko yasohoye indirimbo ya mbere ngo arebe uko abantu bayakira, bibe byamutera imbaraga zo gukomereza aho kuko gukora umuziki zari inzozi ze zo kuva mu bwana.

Uyu musore utararangiza amashuri yisumbuye, ari kwiga mu wa gatandatu “Literature Economy and Geography” muri Sunrise High School.

Usiye kuba yiga mu ntara y’Amajyarugu, niho yavukiye ndetse yanakuriye ubuzima bwe bwose cyane ko n’andi mashuri yose ariho yayize.

Ice Cold yavukiye mu Karere ka Musanze, yiga amashuri abanza ahitwa Regina Pacis, Icyiciro rusange cy’amashuri yisumbuye yacyize muri Wisdom High School naryo ryo muri aka karere.

Ni umusore uhamya ko afite indoto zo kuba umuraperi w’icyitegererezo muri iyi njyana nawe agashyira itafari rye mu iterambere ry’umuziki nyarwanda.

Yemeza ko mu gihe yaba agaragarijwe gushyigikirwa n’abakunzi b’umuziki, nta kabuza nawe yahita akomerezaho. Yijeje abakunzi b’umuziki nyarwanda kutazabatenguha igihe bazaba bamuhaye icyizere cyabo.

Mico Cedric wiyise Ice Cold, umuraperi w’imyaka 19 winjiye mu muziki

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .