Bigusaba kuba ufite murandasi igenda neza ubundi ukabasha gukurikirana ubuzima bwa buri munsi bw’inkumi runaka, kuko umwe wogaga saa Moya iyo wongeye kureba uhita umenye ifunguro rya mu gitondo yafashe.

Uko ukomeza gukurikirana umenya uko umunsi we wagenze ndetse ukamenya aho yagiye n’abo bahuye. Ubu byaroroshye aho umuntu ukurikira kuri uru buga uba umuzi neza n’abo mu muryango we wahura na nyina uti dore umubyeyi wa kanaka!

Instagram ni rumwe mu mbuga nkoranyambaga zatumye abantu barushaho kwegerana cyane kurenza uko byari bisanzwe, bitewe n’uburyo abayikoresha basangiza ababakurikira amakuru yabo ya buri kanya.

Amakuru atangwa na Napoleoncat igaragaza uko imbuga nkoranyambaga zikoreshwa, agaragaza ko mu Rwanda mu 2021 Ukuboza Instagram yakoreshwaga n’abantu 326 700 bangana na 2.4% by’abaturage bose. Muri bo 64.3%, ni abagabo.

Igaragaza kandi ko uru rubuga ari urwa kabiri mu gukoreshwa cyane mu Rwanda nyuma ya Facebook ikoreshwa n’abarenga ibihumbi 900.

Benshi mu bakoresha Instagram cyane kandi bagakurikiranwa ni abakobwa b’ikimero basangiza abantu amafoto n’amashusho yabo, agaragaza ubwiza bwabo burangaza benshi.

Hari abakobwa bazwi kandi nta kindi kintu bakoze usibye kuzunguza umubyimba ku mbuga nkoranyambaga. Hari bamwe basa n’abari barazihariye ariko ubu haje abashya batangiye kwibagiza abantu bamwe bari bamenyerewe.

IGIHE yabateguriye abakobwa icumi b’ikimero bari kubica bigacika kuri Instagram mu 2022.

Higa Sharon

Higa Sharon asanzwe azwi nk’umwe babyinnyi babigize umwuga. Uyu mukobwa ari mu basusurukije imbaga kuri Instagram mu 2021 bambukiranyije na 2022 kuko amafoto n’amashusho ashyiraho nta we bitagwaga mu jisho.

Uyu mukobwa akurikirwa n’ibihumbi 144 kuri uru rubuga we, agakurikira abantu 316. Amaze gushyiraho posts 326 kuva yatangira gukoresha uru rubuga.

Higa akunda gusangiza ubuzima bwe abamukurikira ndetse n’amashusho yifata ari kubyina indirimbo zigezweho. Ikindi gituma abumukirikira batamukuraho ijisho ni imyambarire ye.

Uyu mukobwa yavuzwe cyane mu Ukuboza 2021 ubwo umuhanzi wo muri Nigeria Rema yazaga gutaramira i Kigali akamufasha kubyina indirimbo yitwa Soundgasm mu buryo butamenyerewe ku Banyarwandakazi.

Kubera gukoresha uru rubuga byatumye abona amwe mu masoko yo kwamamaza ibigo bikomeye nk’iduka rya MINISO rikorera i Kigali n’ibindi.

Higa Sharon amafoto ashyira ku rubuga rwa Instagram avugisha benshi

Higa yabyinishije Rema wari wakoreye igitaramo i Kigali biba inkuru ikomeye

Higa ni umwe mu banyarwandakazi bihariye urubuga rwa Instagram mu 2021 bitewe n'amafoto yashyiragaho

Amafoto y'umubyinnyi Higa Sharon akurura abatari bake

Ange Karangwa

Ange Karangwa ni umwe mu bakobwa bashya b’ikimero babica bigacika kuri Instagram kuko akurikiranwa n’ibihumbi 113 we agakurikira abantu 44 gusa. Kuva yajya kuri uru rubuga amaze gushyiraho posts 69.

Bitewe n’imiterere y’umubiri w’uyu mukobwa n’inseko ye ikeye, byatumye yigarurira abakoresha uru rubuga kuko iyo ashyizeho ifoto cyangwa amashusho usanga byakunzwe n’ibihumbi.

Ubu bwamamare bwe bwamubyariye inyungu kuko ubu yamamariza ikigo cya Infinix akaba yarigeze no kwamamariza uruganda rukora impapuro z’isuku rwa Tamu sanitary pad.

Ange Karangwa ni umwe mu bakobwa baciye ibintu kuri Instagram mu 2021

Uyu mukobwa yamamaye kuri Instagram bitewe n'amafoto agaragaza uburanga bwe

Gukoresha Instagram byatumye yamamariza Infinix

Sonia Ufitinema

Ufitinema Sonia ni umwe mu bakobwa bavugishije benshi amangambure kuri Instagram mu 2021 bagikomeje n’ubu. Abakurikira uyu mwari w’ikimero banyurwa n’imiterere n’imyambarire ituma abagabo batamukuraho ijisho.

Uyu mukobwa usanzwe utanga ubujyanama ku bijyanye no kugabanya ibiro, ntabwo ajya yicisha abamukurikira irungu kuko buri gihe abaha amafoto yambaye mu buryo bushitura ab’agakiza gake.

Ufitinema kuri Instagram akurikirwa n’abarenga ibihumbi 90 we agakukira 116.

Sonia Ufitinema akurikiranwa n'ibihumbi by'abantu kuri Instagram

Imiterere y'umubiri we iri mubyamufashije kwamamara kuri Instagram

Imyambarire ye ikurura benshi benshi

Umukundwa Clemance Cadette

Umukundwa Clemance uzwi kuri Instagram nka Cadette ni umwe mu bakobwa b’ikimero bakomeje kwigaragaza kuri Instagram abinyujije mu mashusho n’amafoto by’agatangaza.

Cadette akurikiranwa n’abarenga ibihumbi 90 kuri uru rubuga we agakurikira 526. Ibi byamuhesheje amahirwe yo kwamamaza inzoga yitwa Kristoffel.

Umwaka ushize waramuhiriye kuko yagaragaye mu mashusho y’indirimbo zirimo Mali na Jowana za Confy na Njonogo ya K8 Kavuyo.

Cadette ni umwe mu bakobwa b'ikimero bakurikirwa n'abatari bake ku mbuga nkoranyambaga

Cadette ari mu kiragano gishya cy'inkumi z'ikimero zibica bigacika ku mbuga nkoranyambaga

Uyu mukobwa abamukurikira bemeza ko aberwa n'amafoto

Patience Rusaro

Umwali Patience yamamaye kuri Instagram nka Patience Rusaro. Ni umwe mu bakobwa beza bari gusangiza abakurikirana amafoto aryoheye ijisho.

Rusaro akurikirwa n’abasaga ibihumbi 60 we agakurikira 283 gusa. Uyu mukobwa yahiriwe n’imbuga nkoranyambaga kuko ni umwe bamamariza Infinix Rwanda.

Rusaro Patience ari mu bafite abantu benshi bamukurikira ku mbuga nkoranyambaga

Amafoto ya Rusaro Patience yagiye amuhesha akazi ko kwamamaza ama sosiyete atandukanye

Rusaro ni umwe mu bakobwa bigaragaje cyane ku mbuga nkoranyambaga

Mukangwije Rosine

Uburanga bwa Mukangwije Rosine buri mu bwavugishije benshi kuri Instagram mu 2021 na n’ubu mu ntangiriro za 2022. Byose biterwa n’amafoto asangiza ibihumbi bimukurikirana kuri uru rubuga.

Mukangwije wegukanye ikamba rya Miss Elegancy 2018, akurikiranwa n’abarenga ibihumbi 57 kuri Instagram we agakurikira abantu 31 gusa.

Mu Kwakira 2021 uyu mukobwa yakoze ubukwe na Chris umenyerewe mu kwambika ibyamamare.

Mukangwije Rosine ni umwe mu bakurikirwaga cyane kuri Instagram kubera ikimero cye

Mukangwije wakurikirwaga n'abantu benshi ku mbuga nkoranyambaga, mu minsi ishize yashinze urugo

Uburanga bwa Mukangwije buri mu bwavugishije benshi bitewe n’amafoto asangiza ibihumbi by'abamukurikira

Amafoto y'uyu mukobwa akundwa n'ibihumbi by'abatari bake bamukurikira

Shazz

Kayesu Shalon Manzi yamenyekanye ku mbuga nkoranyambaga nka Shazz mu 2021 ni umwe mu bakobwa bagaragaje ubwiza bwabo ubudasiba kuri uru rubuga.

Shazz yamenyekanye ubwo bavugagwa ko yafungishije abarimo Davis D na Kevin Kade . Nyuma na we yafatiranye ubwo bwamamare ahera ko atangira kwigaragaza.

Uyu yaje kuvugwa mu rukundo na Ykee Benda ariko ntasiba gusangiza abarenga ibihumbi 40 bamukurikira kuri uru rubuga amafoto agaragaza imiterere n’uburanga bwe.

Shazz ni inkumi yamenyekanye ubwo hafungwaga abahanzi barimo Kevin Kade na Davis D

Shazz ni umwe mu bakobwa bakurikirwa kubera ikimero cye

Uyu mukobwa abamukurikira bemeza ko atakibicisha irungu

Unique Phoebe

Uwamahoro Phoebe yitabiriye irushanwa rya Miss Rwanda 2019. Kuri Instagram akurikirwa n’abasaga ibihumbi 37 we agakurikira 344. Uyu mukobwa akomeje gusangiza ibi bihumbi amafoto agaragaza neza imiterere ye.

Phoebe yamamaye cyane ubwo yavugwaga mu rukundo na Rammy Galis ariko ubwiza n’imiterere ye bituma akurura imbaga kumukurikira buri munsi.

Miss Phoebe ni umwe mu bakobwa bavugisha benshi ku rubuga rwa Instagram

Phoebe kenshi akunze gusangiza amafoto ye ibihumbi by'abamukurikira

Uyu mukobwa yamenyekanye ubwo yitabiraga Miss Rwanda

Amafoto y'uyu mukobwa avugisha abatari bake bakururwa n'ikimero cye

Keesha Kayirebwa

Kayirebwa Marie Paul ni umwe mu bakobwa bamamaye ku mbuga nkoranyambaga cyane mu 2021 bikaba byaraturutse ku ndirimbo ya Bruce Melody Ikinyafu yagiyemo.

Ibi yabiherekesheje amafoto n’amashusho birangaza benshi aza no kwitabira Miss Rwanda aho ubwamamare bwamusheje ikamba rya Nyampinga Uzwi kurenza abandi.

Keesha akurikiranwa n’abarenga ibihumbi 37 kuri Instagram we agakurikira 692 ahora asangiza ubuzima bwe bwa buri munsi.

Kayirebwa Marie Paul yamamaye cyane mu irushanwa rya Miss Rwanda

Kayirebwa amaze igihe ari umwe mu bakurikirwa cyane ku mbuga nkoranyambaga

Amafoto ya Kayirebwa Marie Paul akurura abatari bake bamukurikira ku mbuga nkoranyambaga

Teta Gny

Teta ni umwe mu bakobwa babiciye bigacika ku mbuga nkoranyambaga mu Rwanda mu 2021 cyane kuri Instagram. Yamenyekanye cyane ubwo yavugwaga mu rukundo na Eddy Kenzo.

Uyu mukobwa ukurikirwa n’abarenga ibihumbi 22 kuri uru buga ashyiraho amafoto arangaza benshi kuko yibanda kugaragaza bimwe mu bice by’umubiri we bikurura abagabo.

Teta yamenyekanye cyane ubwo yavugwaga mu nkuru z'urukundo n'abantu b'ibyamamare batandukanye

Imiterere y'uyu mukobwa iri mu ikurura abatari bake

Teta ni umwe mu bakobwa bakurura abatari bake ku rubuga rwa Instagram