00:00:00 IGIHE NETWORK KN KINYARWANDA EN ENGLISH FR FRANCAIS

Imiterere y’umukunzi Kanye West yifuza nyuma yo gutandukana na Kim Kardashian

Yanditswe na Uwiduhaye Theos
Kuya 17 Mata 2021 saa 07:07
Yasuwe :
0 0

Nyuma yo gutandukana na Kim Kardashian, biri guhwihwiswa ko Kanye West yifuza gukundana n’umukobwa noneho bahuje umwuga cyane cyane wo kuririmba.

Umwe mu nshuti za hafi za Page Six iri mu bitangazamakuru bikomeye byandika ku myidagaduro, yatangaje ko ifite amakuru yizewe ko Kanye West namara gutandukana n’umugore we ashaka gukundana n’umuhanzikazi.

Ati “Kanye West arashaka ko umukunzi we w’ahazaza azaba ari umuhanzikazi, ku buryo bashobora kuvuga ururimi rumwe mu buhanzi.”

Ku rundi ruhande ariko amakuru avuga ko Kim Kardashian we atarafata umwanzuro ujyanye n’ubundi buzima azahitamo kubamo nyuma yo gutandukana na Kanye West.

Mbere yo kubana na Kim Kardashian, Kanye West yakundanye n’abanyamideli barimo Chanel Iman na Amber Rose. Byanavuzwe ko yigeze kugirana umubano wihariye n’Umukobwa wo mu birwa bya Caïmans naw e w’umunyamideli witwa Selita Ebanks. Mu 2006 nabwo yambitse impeta y’urukundo Alexis Phifer batandukana mu 2008.

Kimberly Kardashian West [Kim Kardashian] wari umugore we yavukiye mu Mujyi wa Los Angeles muri Leta ya California muri Leta Zunze Ubumwe za Amerika, ku wa 21 Ukwakira 1980.

Yashakanye na Kanye West mu 2014. Hari nyuma y’abandi bari barashakanye barimo Damon Thomas babanje kubana mu 2000 kugeza mu 2004 ndetse na Kris Humphries barushinze mu 2011 bagatandukana mu 2013. Aba bose nta n’umwe bigeze babyarana.

Ni umugore w’ikizungerezi w’abana bane barimo umukobwa witwa North West wavutse mu 2013, uw’umuhungu witwa Saint West wavutse mu 2015, undi mukobwa witwa Chicago West wavutse mu 2018 ndetse n’uwo baheruka kwibaruka witwa Psalm West wavutse mu 2019. Aba bose yababyaranye na Kanye West.

Kardashian na Kanye West bagiye gutandukana bafitanye abana bane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .