00:00:00 IGIHE NETWORK KN KINYARWANDA EN ENGLISH FR FRANCAIS

Imitoma DJ Rugamba yateye DJ Julz bamaranyeze iminsi mu munyenga w’urukundo

Yanditswe na Nsengiyumva Emmy
Kuya 7 January 2022 saa 12:22
Yasuwe :

Yifashishije amagambo yerekana urwo amukunda n’amarangamutima menshi, DJ Rugamba yateye imitoma umukunzi we DJ Julz.

Ni amagambo yandikiye umukunzi we DJ Julz abinyujije kuri Instagram mu rurimi rw’Icyongereza. Yahishuye iby’urukundo rwabo ndetse ashimira DJ Julz uko na we adahwema kurumugaragariza.

Ati “Isabukuru nziza nshuti yanjye magara, ndagukunda cyane kandi ntewe ishema nawe. Twavanye kure, warakoze kumba hafi, kuntera kwiyizera no kumbera umujyanama. Ndi umunyamahirwe kukugira nk’umufatanyabikorwa.”

Uyu mukobwa yakomeje agira ati “Imigisha ntabwo ituruka mu byo dutunze ahubwo ituruka mu bo turi kumwe. Warakoze kuza mu buzima bwanjye wowe kuboko kwanjye kw’iburyo. Ndagushimira ukuntu udasiba kunyereka urukundo no kunyitaho.”

Mu mpera z’umwaka ushize nibwo byatangiye kumenyekana ko uretse kuba DJ Rugamba yaramaze kwihuza na DJ Julz bagakora itsinda rya ‘Boo’d up DJs’, no mu buzima busanzwe urukundo rwabo rugeze aharyoshye.

Icyo gihe uyu mukobwa yabwiye IGIHE ko we na DJ Julz batangiye gukorana mu itsinda rya ‘Boo’d up DJs’ kuva muri Nyakanga 2021, icyakora ntiyahisha ko hagati yabo harimo n’umwuka w’urukundo nubwo atifuje kugira byinshi aruvugaho.

Henshi mu ho basigaye bacuranga, yaba DJ Julz na DJ Rugamba basigaye baba bari kumwe nk’itsinda rishya ry’aba DJs ryinjiye mu muziki w’u Rwanda.

DJ Julz yamenyekanye cyane akorana na Dream Team DJs, icyakora mu buryo butamenyekanye yaje kuyivamo atangira gukorana n’uyu mukobwa.

DJ Rugamba yahamije ko asigaye ari mu rukundo na DJ Julz bamaze igihe bakorana nk'itsinda
Urukundo rwakuye DJ Julz muri Dream Team DJs yinjira muri ‘Boo’d up DJs’ ahuriyemo n'umukunzi we DJ Rugamba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .