00:00:00 IGIHE NETWORK KN KINYARWANDA EN ENGLISH FR FRANCAIS

Imitoma iravuza ubuhuha kwa Meddy

Yanditswe na Nsengiyumva Emmy
Kuya 23 May 2022 saa 08:19
Yasuwe :

Itariki ya 23 Gicurasi isigaye ari umwe mu minsi y’ingenzi kuri Meddy kuko aribwo yizihirizaho isabukuru y’urushako rwe. Ubu yujuje umwaka arushinganye na Mimi Mehfira ukomoka muri Ethiopia kuko bakoze ubukwe umunsi nk’uyu mu 2021.

Abinyujije ku mbuga nkoranyambaga, Meddy yashimiye umugore we bamaze umwaka basezeranye kuzabana akaramata, amwibutsa ko buri munsi urukundo rwabo rurushaho gukura.

Ati “Warakoze kumbera umwunganizi mwiza w’ubuzima bwanjye, ngukunda kurusha uko nagukundaga ejo hashize. Umwaka umwe urashize mu buziraherezo!”

Mu magambo ye, Meddy yashimiye The Ben wamufashije kuryoshya ibirori by’ubukwe bwe, ati “Nzahora mbigushimira!”

Ubutumwa bwa Meddy bwakurikiranye n’ubw’umugore we wagaragaje amarangamutima ye kuri uyu munsi bizihizamo umwaka bamaze babana nk’umugore n’umugabo.

Ati “Ndagushimira ko wabaye impamvu y’ibyishimo byanjye, singushimira gusa ko wambereye umugabo mwiza, ahubwo ndagushimira ko uri umubyeyi mwiza wa Myla. Habayeho igituma nongera guhitamo n’ubundi ni wowe nahitamo.”

Ku rundi ruhande ariko yaba Meddy n’umugore we bashimiye Cedru, umusore ufata akanatunganya amashusho wanabikoze mu bukwe bwabo. Bati “Warakoze guhuriza hamwe uru rwibutso.”

Mu mwaka bamaze barushinze, Meddy n’umugore we bibarutsemo imfura yabo.

Kuva yakora ubukwe kugeza ubu umwaka ushize, Meddy amaze gusohoramo indirimbo ebyiri harimo My vow na Queen of Sheebah zose yanafatiye amashusho mu birori by’ubukwe bwe.

Uretse kuba atarongeye gusohora indirimbo, hari amakuru yakunze kuvugwa ko yaba ari kugenza make umuziki we kuko yifuza kwinjira mu wo kuramya no guhimbaza Imana, icyakora we nta na kimwe arabitangazaho.

Umugore wa Meddy ati "N'ubundi ngize amahirwe yo kongera guhitamo ni wowe nahitamo"
Nzahora ngufashe akaboko, isezerano Meddy yahaye umugore we
Byose bijya gutangira Mimi yemereye Meddy ko bazarushinga bakabana akaramata
Tariki 23 Gicurasi 2021, itariki itazibagirana mu buzima bwa Meddy na Mimi
Umwaka urashize Meddy abaye umugabo wa Mimi
Bari kwizihiza umwaka ushize barushinze mu gihe bari no kwishimira ko baherutse kwibaruka imfura yabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .