Iserukiramuco “Urusaro International Women Film Festival” ryasojwe mu birori bibereye ijisho (Amafoto)

Yanditswe na Nsengiyumva Emmy
Kuya 12 Ukwakira 2019 saa 12:19
Yasuwe :
0 0

Iserukiramuco rya filimi ryiswe ’Urusaro International Women Film Festival’ rigamije guhesha agaciro abagore bakora umwuga wo gutunganya sinema mu Rwanda no guha abazikurikira urubuga rwo kumenya ibyo bakora ryasojwe nyuma y’icyumweru ribera mu Mujyi wa Kigali.

Iri serukiramuco ryatangirijwe muri St Paul Hotel ku wa 4 Nzeri 2019 ryasojwe mu ijoro ryo ku wa Gatanu, tariki 11 Ukwakira 2019. Ibirori byo kurishyiraho akadomo byahuriyemo abakinnyi ba filimi banyuranye n’abazikunda muri rusange.

Uyu muhango wo gusoza iri serukiramuco waranzwe n’amagambo yo gushimira abagore bakora filimi badahwema gushyira imbaraga mu kazi kabo ka buri munsi.

Abahembwe ni Munezero Jean Chrétien wakoze filimi yitwa "Kwicuza" yahembwe mu cyiciro cya "Rwandan short film"; hanahembwe filimi ya "Luna’’ ya Bola Shingiro yatoranyijwe n’abagize akanama nkemurampaka.

Umunya-Tanzania Christina Pande wakoze filimi yitwa "Super Mama" yahawe igihembo mu cyiciro cya "East Africa Short Fiction."

Mu Cyiciro cya "Africa Short Fiction" hatsinze filimi yitwa "Tune of Kora" ya Angele Diabang ukomoka muri Sénégal mu gihe akanama nkemurampaka kahembye filimi yitwa "Our Albertina" ya Chantel Clark.

Mu cyiciro cya ’Documentary films’ hatsinze iyitwa "Balole" ya Aisha Boro ukomoka muri Burkina Faso.

Bane muri 30 bahatanaga ni bo bahawe ibihembo muri iri serukiramuco.

Itorero Intayoberana ry’abana bakiri bato riheruka kwegukana umwanya wa kabiri mu Irushanwa ry’abanyempano bo mu Karere ka Afurika y’Iburasirazuba, East Africa’s Got Talent, ryataramiye abitabiriye uyu muhango. Nyuma hashimiwe abanyuranye bakoze filimi ziteza imbere umugore muri rusange.

Kaneza Floriane uhagarariye ikipe itegura iri serukiramuco yashimiye abantu bose babanye nabo muri iki gihe cy’icyumweru bamaze bakurikirana ibikorwa bya “Urusaro International Women Film Festival”.

Umunyarwenya Michael Sengazi niwe wari uyoboye ibirori
Diane uzwi cyane muri Citymaid atambuka ku itapi y'umutuku
Abakinnyi ba filimi b'ibyamamare bitabiriye uyu muhango
Ndimbati atambuka ku itapi y'umutuku
Abagore bakora filime bari babukereye
Abantu bari bitabiriye ari benshi
Abagize uruhare mu itegurwa ry'iri serukiramuco
Abakoze filime ziteza imbere umugore muri uyu mwuga bashimiwe
Abana bo mu Itorero Intayoberana ryanyuze benshi mu mbyino zibereye ijisho
Itorero Intayoberana ryasusurukije abantu

Amafoto: Dushimimana Ami Pacifique


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza