Israel Mbonyi yasohoye indirimbo “Nturi wenyine” agereranya umunyabyaha n’umwana w’ikirara

Yanditswe na Nsengiyumva Emmy
Kuya 17 Ukwakira 2019 saa 12:26
Yasuwe :
0 0

Israel Mbonyi wamamaye mu ndirimbo zo kuramya no guhimbaza Imana, yashyize hanze indirimbo ya kabiri ifite amashusho, yise “Nturi wenyine” aho aba agereranya umunyabyaha n’umwana w’ikirara.

Mbonyi yamenyekanye mu ndirimbo zihimbaza Imana zirimo ‘Nzaririmba’, ‘Karame’, ‘Nkwiye kurara iwawe’; zose zashimwe n’abemeramana kubera uburyo zibafasha kuyegera.

Kuri ubu yashyize hanze indi ndirimbo avuga ko igaragaza urukundo Imana ikunda abana bayo.

Ati “Ubutumwa burimo ni uko Imana idukunda nubwo twe twaba abanyabyaha, urukundo rw’Imana ruruta imbaraga z’ibyaha dukora. Nahamyaga ko nubwo wakora ibyaha bingana gute nyuma ugaca bugufi ukinginga Imana ngo ikubabarire urukundo rwayo rurigaragaza.”

Mbonyi avuga ko mu mashusho y’iyi ndirimbo yagerageje kwifashisha inkuru y’umwana w’ikirara uvugwa muri Bibiliya.

Kuri we ngo iyo umwana yakosheje nyuma akegera umubyeyi akamusaba imbabazi bitamubuza kuzihabwa. Ibi abihuza n’ubuntu bw’Imana ku bo yaremye kuko itajya isiba gutanga imbabazi ku cyaha icyo aricyo cyose.

Iyi ndirimbo nshya iri kuri Album yise “Mbwira” mu buryo bw’amajwi yakozwe na Bruce Higiro afatanyije na Mastola mu gihe ibijyanye no kuyungurura amajwi no kuyahuza neza byakozwe na Kevin Mc.Noldy. Amashusho yatunganyijwe na Bob Chris.

Azwiho ubuhanga mu gucuranga gitari
Israel Mbonyi amaze gufata ibyicaro mu mitima y'abakunda indirimbo zivuga ubutumwa bwiza bw'Imana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza