00:00:00 IGIHE NETWORK KN KINYARWANDA EN ENGLISH FR FRANCAIS

Jimmy wahoze muri Just Family yimukiye muri Amerika

Yanditswe na Nsengiyumva Emmy
Kuya 11 January 2022 saa 12:08
Yasuwe :

Shema Jimmy wamenyekanye mu itsinda rya Just Family yerekeje muri Leta Zunze Ubumwe za Amerika nyuma y’imyaka ibiri iri tsinda risenyutse burundu.

Jimmy uri mu batangiranye n’itsinda rya Just Family amaze icyumweru yimukiye muri Leta Zunze Ubumwe za Amerika.

Mu kiganiro na IGIHE, Jimmy utuye muri Leta ya Arizona, yavuze ko yimukiye muri iki gihugu asangayo umuryango we.

Ati “Inaha nari mpafite umuryango, nimutse mpabasanga. Ubu niho nagiye gushakira ubuzima.”

Jimmy yavuze ko kwimukira muri Amerika bitazamubuza gukomeza gukora umuziki ku giti cye.

Uyu muhanzi yerekeje muri Amerika asangayo Chris nawe wanyuze mu itsinda rya Just Family akaba asigaye atuye muri icyo gihugu.

Aba bose berekeje muri Amerika mu gihe Croidja we ari kubarizwa muri Afurika y’Epfo.

Just Family yasenyutse bwa mbere mu 2012, mbere y’uko ryongera kubyutsa umutwe mu 2016 ariko icyo gihe hari hajemo amaraso mashya ariko nanone rigaruka Croidja ataririmo, ahubwo asimbuzwa Chris wari uturutse i Burundi.

Nyuma y’imyaka ibiri batangiye gusubira ku murongo, urwishe ya nka rwakomeje kuyizonga ubwo Chris yavaga muri iri tsinda nabwo ibibazo byongera kuvuka kuko yanavuyemo ashinja Bahati kumwiba amafaranga babaga bakoreye.

Nyuma y’igihe gito uyu musore agiye, bahise bagarura Croidja mu itsinda bamukuye muri Afurika y’Epfo, icyo gihe bahamyaga ko bagiye gukorera itsinda rikongera kwisubiza icyubahiro.

Ibi rero ntibiteye kabiri kuko guhera mu mpera za 2019 iri tsinda ryasenyutse kugeza ubwo mu ntangiriro za Gicuransi 2020 rishyirwaho akadomo.

Shema Jimmy yimukiye muri Amerika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .